ប្រជាជនចិនយកចិត្តទុកដាក់ដល់បុណ្យប្រពៃណីណាស់ ។ ថ្ងៃទី ២៥ ខែមិថុនាជាបុណ្យសែននំចាំង វាខុសពីកាលមុន ដោយសារតែការរីករាលដាលនៃជំងឺកូវីដ១៩ មនុស្សជាច្រើនមិនបានធ្វើដំណើរទៅណាទេ ហើយក៏មានមនុស្សជាច្រើននៅតែប្រចាំការនៅជួរមុខនៃការបង្ការនិងគ្រប់គ្រងជំងឺ ដើម្បីការពារសុខភាពប្រជាជននិងសន្តិសុខសង្គម ។ ខណៈបុណ្យសែននំចាំងមកដល់ ប្រជាជនចិនបានអបអរទទួលបុណ្យនេះតាមគ្រប់រូបភាព ។
ប្រជាជនហុងកុងអបអរទទួលបុណ្យសែននំចាំងដោយរូបភាពប្រពៃណី ដូចជាប្រណាំងទូកងជាដើម បរិយាកាសបុណ្យដ៏សែនសប្បាយរីករាយបានធ្វើឱ្យមនុស្សទាំងឡាយចាប់អារម្មណ៍ថា ទីក្រុងនេះកំពុងវិលទៅកាន់គន្លងត្រឹមត្រូវ សុខសានត្រាណនិងភាពរុងរឿងក៏រៀបចំឡើងវិញជាបណ្តើរៗ ។
ក្រុងស៊ីអានបានផ្សព្វផ្សាយពីទេសចរណ៍អំពីវប្បធម៌បេតិកភណ្ឌអរូបីដ៏សម្បូហ៍បែប ពាណិជ្ជកម្មនិងមុខរបរលក់រាយក៏សកម្មត្រួសត្រាយលំហអភិវឌ្ឍថ្មីដែរ ។
តាមទិនន្ន័យនាយប់ថ្ងៃទី ២៥ ខែមិថុនានៃក្រសួងវប្បធម៌និងទេសចរណ៍ចិនឱ្យដឹងថា ថ្ងៃដំបូងនៃបុណ្យសែននំចាំង ទូទាំងប្រទេសចិនមានទទួលភ្ញៀវទេសចរក្នុងស្រុកចំនួនជាង ១៧ លាននាក់ ហើយចំណូលទេសចរក្នុងស្រុក៤៤៧០ លានយាន់ប្រាក់ចិន ។ អំឡុងពេលបុណ្យ រមណីយដ្ឋាននាននឹងបន្តប្រកាន់ខ្ជាប់វិធានការគ្រប់គ្រងដែលរិតត្បិតចំនួនភ្ញៀវទេសចរ ជាវជាមុននិងឆ្លាស់ពេលដើរលេង ដើម្បីធានាសុវត្ថិភាពរបស់ភ្ញៀវទេសចរ ៕
