ប៉ុន្មានថ្ងៃជាប់ៗមកនេះ ឥស្សរជនគ្រប់មជ្ឈដ្ឋាននៃតំបន់ហុងកុងបាននាំគ្នាបញ្ចេញមតិគាំទ្រសេចក្តីសម្រេចចិត្តរបស់សភាតំណាងប្រជាជនទូទាំងប្រទេសចិនស្តីពីការតាក់តែងច្បាប់គាំពារសន្តិសុខជាតិនៅតំបន់ហុងកុង។
លោកស្រី Carrie Lam Cheng Yuet-ngor អភិបាលនៃតំបន់រដ្ឋបាលពិសេសហុងកុងបានថ្លែងកាលពីថ្ងៃទី ២ ខែមិថុនាថា រដ្ឋបាលតំបន់រដ្ឋបាលពិសេសហុងកុងសូមគាំទ្រយ៉ាងពេញទំហឹងនិងធ្វើកិច្ចសម្របសម្រួលដើម្បីការតាក់តែងនិងអនុវត្តច្បាប់គាំពារសន្តិសុខជាតិនៅតំបន់ហុងកុង ព្រមទាំងជឿជាក់ថា ការតាក់តែងច្បាប់ពាក់ព័ន្ធមុខជានឹងបំពេញបន្ថែមនូវចន្លោះខ្វះខាតនិងបង្ការហានិភ័យក្នុងវិស័យសន្តិសុខជាតិនៅតំបន់ហុងកុងជាមិនខាន ដែលនឹងធ្វើឱ្យហុងកុងបន្តរីកចម្រើនថ្កុំថ្កើងនិងមានស្ថិរភាព ក៏ដូចជាគាំពារបាននូវសន្តិសុខជាតិផងដែរ ។
សមាជិកនៃបណ្ឌិត្យសភាហុងកុងបានចេញសេចក្តីថ្លែងការណ៍ថា បន្ទាប់ពីឆ្នាំ២០១៩មក អំពើហិង្សាខុសច្បាប់ដែលបានកើតឡើងជាបន្តបន្ទាប់បានប៉ះពាលដល់របៀបរៀបរយជាប្រក្រតីនៃការអប់រំនិងការសិក្សាស្រាវជ្រាវផ្នែកវិទ្យាសាស្ត្រនៃសាលាឧត្តមសិក្សាហុងកុង ក្នុងនោះសកលវិទ្យាល័យហុងកុងមួយចំនួនត្រូវបានបំផ្លិចបំផ្លាញយ៉ាងធ្ងន់ធ្ងរ ។ ។ បើសិនសភាពការណ៍បែបនេះមិនត្រូវបានកែប្រែទេ នោះនឹងប៉ះពាល់ដល់កត្តិយសដ៏ខ្ពង់ខ្ពស់ខាងវិស័យអប់រំរបស់ហុងកុងលើឆាកអន្តរជាតិដែលបានកសាងឡើងក្នុងរយៈពេលជាច្រើនឆ្នាំមក ។ ជឿជាក់ថា ការអនុវត្តច្បាប់គាំពារសន្តិសុខជាតិនៅតំបន់ហុងកុង នឹងធ្វើឱ្យការអនុវត្តគោលនយោបាយ ” ប្រទេសមួយ ប្រព័ន្ធគ្រប់គ្រងពីរ “ ប្រកបដោយស្ថិរភាពនិងយូរអង្វែង និងរៀបចំបរិយាកាសអប់រំនិងការសិក្សាស្រាវជ្រាវដ៏ល្អប្រសើរនៅក្នុងសកលវិទ្យាល័យហុងកុងឡើងវិញ ។