ពេលបច្ចុប្បន្ននេះ ប្រព័ន្ធគមនាគមន៍ក្រោមដីទ្រង់ទ្រាយដ៏ធំកំពុងសាងសង់ឡើងនៅខណ្ឌTongzhou ក្រុងប៉េកាំង ។ ពេលអនាគត វានឹងក្លាយជាប្រព័ន្ធគមនាគមន៍ ក្រោមដីចម្រុះដែលមានទ្រង់ទ្រាយធំបំផុតនៅអាស៊ី និងជាវិស្វកម្មទំនើបមួយដែលមានទ្រង់ទ្រាយធំបំផុតលើពិភពលោក ។
តាមការឧទ្ទេសនាមបានឱ្យដឹងថា ប្រព័ន្ធគមនាគមន៍នៅខណ្ឌTongzhou ក្រុងប៉េកាំងមានលក្ខណៈពិសេសជាច្រើន ។ ក្នុងទីកន្លែងដែលមានទំហំជិត ១ លាន ៣សែនម៉ែត្រការ៉េ ការប្តូរជិះរថភ្លើងក្រោមដីទៅមកចំណាយពេល តែ១ នាទីប៉ុណ្ណោះ ហើយពន្លឺព្រះអាទិត្យអាចចាំងឆ្លុះពីផ្ទៃដីដល់ជាន់ក្រោមដីចំនួន ៣ ជាន់ ។ បើសិនធ្វើដំណើរពីខណ្ឌTongzhou ទៅព្រលានយន្តហោះអន្តរជាតិរដ្ឋានីប៉េកាំងចំណាយពេលតែ ១៥ នាទី ទៅព្រលានយន្តហោះអន្តរជាតិDaxing ចំណាយពេលតែ ៣៥ នាទី ដល់ខណ្ឌថ្មី Xiong’an ចំណាយពេលតែ ១ ម៉ោង ។
