ប្រព័ន្ធសារព័ត៌មានអាល្លឺម៉ង់បានផ្សាយដំណឹងកាលពីថ្ងៃទី៣១ខែឧសភាឱ្យដឹងថា ពេលកន្លងទៅនេះ ក្រុងGottingenរដ្ឋNiedersachsenប្រទេសអាល្លឺម៉ង់បានរកឃើញករណីឆ្លងជំងឺកូវីដ១៩ជាចង្កោមដែលមានមនុស្សយ៉ាងហោចណាស់ ៣៥ នាក់ត្រូវរកឃើញមានវិជ្ជមាន ហើយ ១៦០ នាក់ត្រូវបានដាក់ឱ្យនៅដាច់ដោយឡែកក្នុងផ្ទះ ។
តាមដំណឹងបានឱ្យដឹងថា ការឆ្លងជំងឺជាចង្កោមលើកនេះគឺមកពីគ្រួសារទាំងនេះបានធ្វើពិធីជួបជុំនិងសកម្មភាពអបអរសាទរនៅចុងសប្តាហ៍មុន ។ ក្នុងចំណោមអ្នកឆ្លងជំងឺកូវីដ១៩ មានមនុស្សម្នាក់មានសភាពធ្ងន់ហើយត្រូវសម្រាលព្យាបាលក្នុងមន្ទីរពេទ្យ ក្នុងចំណោមអ្នកដែលត្រូវដាក់ឱ្យនៅដាច់ដោយឡែកក្នុងផ្ទះមានកុមារជាង ៥០ នាក់ ។
មន្ទីរស្រាវជ្រាវRobert Koch ជាស្ថាប័នគ្រប់គ្រងជំងឺឆ្លងនៃប្រទេសអាល្លឺម៉ង់បានប្រកាសទិន្នន័យកាលពីថ្ងៃទី ៣១ ខែឧសភាឱ្យដឹងថា គិតត្រឹមម៉ោងសូន្យថ្ងៃដដែល នៅប្រទេសអាល្លឺម៉ង់មានករណីឆ្លងជំងឺកូវីដ១៩សរុប ១៨១៤៨២ នាក់ ករណីស្លាប់សរុប ៨៥០០ នាក់ ៕
