ប្រការដែល《សេចក្តីសម្រេចចិត្តនៃមហាសន្និបាតសភាតំណាងប្រជាជនទូទាំងប្រទេសចិនស្តីពីការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តពាក់ព័ន្ធនឹងការគាំពារសន្តិសុខជាតិនៅតំបន់រដ្ឋបាលពិសេសហុងកុង》ត្រូវបានអនុម័តដោយសំឡេងគាំទ្រភាគច្រើនលើសលប់ក្នុងកិច្ចប្រជុំលើកទី៣នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី១៣បានទទួលការគាំទ្រនិងកោតសរសើរពីរដ្ឋបាលតំបន់ពិសេសហុងកុងនិងគ្រប់មជ្ឈដ្ឋានក្នុងសង្គមហុងកុង។ចំណែករដ្ឋាភិបាលអាមេរិកបែរជាបានអះអាងថានឹងដាក់ទណ្ឌកម្មទៅលើហុងកុងទៅវិញ។កាលពីថ្ងៃទី៣១ខែឧសភា ប្រព័ន្ធសារព័ត៌មានហុងកុងបានចុះផ្សាយថា ទង្វើរបស់អាមេរិកបែបនេះនឹងធ្វើឱ្យប៉ះពាល់ដល់ផលប្រយោជន៍របស់សហគ្រាសអាមេរិកនៅហុងកុង ការដាក់ទណ្ឌកម្មទៅលើហុងកុងនឹងត្រូវរងផលវិបាកដោយខ្លួនឯង។
ប្រព័ន្ធសារព័ត៌មានហុងកុងយល់ឃើញជាទូទៅថា វាពិតណាស់ ការដាក់ទណ្ឌកម្មរបស់អាមេរិក មុខជានឹងធ្វើឱ្យប៉ះពាល់ដល់ផលប្រយោជន៍របស់ហុងកុង ប៉ុន្តែ នឹងបំផ្លាញផលប្រយោជន៍របស់អាមេរិកកាន់តែច្រើន។កាសែត Takungpaoហុងកុងបានចុះផ្សាយថា ទំនិញរបស់ហុងកុងដែលនាំចេញទៅកាន់អាមេរិកគឺត្រឹមតែ0.1%នៃតម្លៃទំនិញនាំចេញសរុបបុណ្ណោះ ដូចនេះ ការដាក់ទណ្ឌកម្មទៅលើហុងកុងនឹងប៉ះពាល់ដល់ប្រយោជន៍អ្នក
ណាច្រើនជាង?ការអះអាងរបស់អាមេរិកស្តីពីការចាត់វិធានការដាក់ទណ្ឌកម្មទៅលើហុងកុងគឺប៉ុនប៉ងបង្វែរចំណាប់អារម្មណ៍របស់ប្រជាជនអាមេរិកខណៈរដ្ឋាភិបាលអាមេរិកបរាជ័យក្នុងការទប់ស្កាត់ជំងឺឆ្លង។បញ្ញវន្តជាច្រើនរូបបានយល់ឃើញថា អាមេរិកទទួលបានផលប្រយោជន៍ជាច្រើនហុងកុង ប្រសិនបើចាត់វិធានការដាក់ទណ្ឌកម្មសេដ្ឋកិច្ចគឺបំផ្លាញផលប្រយោជន៍ទាំងសងខាង ក្នុងនោះអាមេរិកនឹងរងផលខូចខាតកាន់តែច្រើន។