ថ្ងៃទី១ខែមិថុនា អ្នកសារព័ត៌មានបានដំណឹងពីក្រុមហ៊ុនគ្រប់គ្រងភាគហ៊ុនអន្តរជាតិនៃធនាគារឧស្សាហកម្មនិងពាណិជ្ជកម្មចិនថា ក្រុមហ៊ុននេះបានប្រកាសថា បានជួយធនាគារវិនិយោគហេដ្ឋារចនាសម្ព័ន្ធអាស៊ីដើម្បីសម្រេចការដាក់ចេញមូលបត្របំណុលនៃការអភិវឌ្ឍជានិរន្តរភាពជាសកលតម្លៃ៣ពាន់លានដុល្លារអាមេរិកដោយជោគជ័យនៅពេលថ្មីៗកន្លងទៅនេះ ។
នេះគឺជាការដាក់ចេញមូលបត្របំណុលជាប្រាក់ដុល្លារអាមេរិកជាសកលលើកទីពីរចាប់តាំងពីធនាគារវិនិយោគហេដ្ឋារចនាសម្ព័ន្ធអាស៊ីដាក់ចេញមូលបត្របំណុលជាប្រាក់ដុល្លារអាមេរិកលើកទីមួយកាលពីឆ្នាំ២០១៩ ហើយក៏ជាលើកទីមួយដែលធនាគារវិនិយោគហេដ្ឋារចនាសម្ព័ន្ធអាស៊ីដាក់ចេញមូលបត្របំណុលនៃការអភិវឌ្ឍជានិរន្តរភាពជាសកលរយៈពេល៥ឆ្នាំផងដែរ ។
គួរបញ្ជាក់ថា ការរៃអង្គាសមូលធនលើកនេះនឹងប្រើប្រាស់សម្រាប់ជួយប្រទេសនិងតំបន់នានាទប់ទល់នឹងជំងឺឆ្លង ជំរុញការស្តារសេដ្ឋកិច្ចឡើងវិញនិងការអភិវឌ្ឍជានិរន្តរភាព បង្កើនការវិនិយោគលើហេដ្ឋារចនាសម្ព័ន្ធនិងជំរុញកិច្ចសហប្រតិបត្តិការក្នុងតំបន់និងទប់ទល់នឹងការប្រឈមក្នុងការអភិវឌ្ឍ បានបង្ហាញពីទទួលខុសត្រូវអន្តរជាតិរបស់ធនាគារនេះក្នុងនាមជាធនាគារអភិវឌ្ឍន៍ពហុភាគីក្នុងខណៈពេលពិសេសសម្រាប់ទប់ទល់នឹងជំងឺឆ្លងលើទូទាំងពិភពលោក ។
