នៅរសៀលថ្ងៃទី ២៨ ខែឧសភា កិច្ចប្រជុំលើកទី ៣ នៃមហាសន្និបាតសភាតំណាងប្រជាជនទូទាំងប្រទេសចិនបានធ្វើការបោះឆ្នោតអនុម័តដោយសំឡេងគាំទ្រភាគច្រើនលើសលប់ចំពោះសេចក្តីសម្រេចចិត្តស្តីអំពីការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តនៃការគាំពារសន្តិសុខជាតិនៅតំបន់រដ្ឋបាលពិសេសហុងកុង ។ ពេលឆ្លើយតបនឹងសំណួរក្នុងសន្និសីទកាសែតបន្ទាប់ពីបញ្ចប់មហាសន្និបាត លោកលី ខឺឈាង នាយករដ្ឋមន្រ្តីចិនបានលើកឡើងថា សេចក្តីសម្រេចចិត្តមួយនេះត្រូវបង្កើតឡើងក្នុងបំណងធានាដល់ការអនុវត្តគោលនយោបាយ”ប្រទេសមួយប្រព័ន្ធគ្រប់គ្រងពីរ”ឱ្យប្រកបដោយស្ថិរភាពនិងយូរអង្វែង ក៏ដូចជាគាំពារភាពរុងរឿងថ្កុំថ្កើងនិងស្ថិរភាពយូរអង្វែងរបស់ហុងកុងផងដែរ ។
ព្រមពេលជាមួយគ្នានេះ លោកបានគូសបញ្ជាក់ទៀតថា “ប្រទេសមួយប្រព័ន្ធគ្រប់គ្រងពីរ”ជាគោលនយោបាយជាតិរបស់ប្រទេសចិន រដ្ឋាភិបាលចិនបានគូសបញ្ជាក់ជាប់រហូតមកថា ត្រូវអនុវត្តគោលនយោបាយ”ប្រទេសមួយប្រព័ន្ធគ្រប់គ្រងពីរ” “អ្នកហុងកុងគ្រប់គ្រងតំបន់ហុងកុង” និងអនុវត្តការគ្រប់គ្រងដោយកម្រិតស្វ័យតភាពខ្ពស់ អនុវត្តយ៉ាងមុតមាំតាមរដ្ឋធម្មនុញ្ញនិងច្បាប់មូលដ្ឋាន ព្រមនិងផ្តល់ការគាំទ្រដល់រដ្ឋបាលនិងប្រធានរដ្ឋបាលហុងកុងក្នុងការធ្វើអភិបាលកិច្ចតាមផ្លូវច្បាប់ ៕