ថ្ងៃទី ២៨ ខែឧសភា មហាសន្និបាតប្រចាំឆ្នាំ២០២០នៃសភាតំណាងប្រជាជនទូទាំងប្រទេសចិនបានបិទបញ្ចប់ ។ ពេលជួបជាមួយអ្នកសារព័ត៌មានទាំងជាតិនិងអន្តរជាតិ បន្ទាប់ពីកិច្ចប្រជុំបានបញ្ចប់ លោកលី ខឺឈាង នាយករដ្ឋមន្រ្តីចិនបានឆ្លើយតបនឹងសំណួរចំនួន ១១ របស់អ្នកសារព័ត៌មានក្នុងរយៈពេលជិត ២ ម៉ោង ដោយបានធ្វើការបកស្រាយអំពីបញ្ហាដែលពាក់ព័ន្ធនឹងការអភិវឌ្ឍសេដ្ឋកិច្ចចិន និងការបើកចំហកិច្ចសហប្រតិបត្តិការជាដើម បានបង្ហាញនូវការប្តេជ្ញាចិត្តយ៉ាងរឹងមាំរបស់ប្រទេសចិនដែលមានសមត្ថភាពសម្រេចគោលដៅនិងភារកិច្ចនៃឆ្នាំ ២០២០ នេះ ព្រមនិងបានបង្ហាញនូវការយកចិត្តទុកដាក់លើជីវភាពរស់នៅរបស់ប្រជាជន ស្មារតីធ្វើការជាក់ស្តែង ក៏ដូចជាការរួមវិភាគទាននិងទំនួលខុសត្រូវចំពោះការស្តារសេដ្ឋកិច្ចពិភពលោកឡើងវិញរបស់បក្សកាន់អំណាចនិងរដ្ឋាភិបាលចិនផងដែរ ។
ក្រៅពីនេះ ក្នុងនាមជាប្រទេសដែលមានអត្រារួមចំណែកចំពោះសេដ្ឋកិច្ចពិភពលោកប្រមាណ ៣០ % ក្នុងរយៈពេលច្រើនឆ្នាំ ក្រោមការរីករាលដាលនៃជំងឺCOVID-19 ការដែលសេដ្ឋកិច្ចចិនបានរក្សាស្ថិរភាព គឺការរួមចំណែកចំពោះពិភពលោក ។ ក្នុងសន្និសីទកាសែត ប្រទេសចិនបានគូសបញ្ជាក់ពីការមិនបិទទ្វារអភិវឌ្ឍប្រទេសជាតិ ហើយនឹងជំរុញការបើកចំហចំពោះក្រៅប្រទេសយ៉ាងមុតមាំ បន្តពង្រឹងនិងពង្រីកកិច្ចសហប្រតិបត្តិការជាមួយបណ្តាប្រទេសលើពិភពលោក ព្រមនិងដាក់ចេញវិធានការសម្រាប់ពង្រីកការបើកចំហកាន់តែច្រើនថែមទៀត ។ រឿងនេះបានបង្ហាញនូវស្មារតីទទួលបន្ទុកពីការស្តារសេដ្ឋកិច្ចពិភពលោកឡើងវិញរបស់ប្រទេសចិនឆ្លងតាមរយៈការអភិវឌ្ឍដែលប្រកបដោយស្ថិរភាពនិងពង្រីកការបើកចំហរបស់ខ្លួន ៕