ថ្ងៃទី ២៦ ខែឧសភា តាមម៉ោងក្នុងតំបន់ លោក ត្រាំ ប្រធានាធិបតីអាមេរិកបានបង្ហោះសារលើបណ្តាញទំនាក់ទំនងសង្គម Twitter ដើម្បីរិះគន់ទង្វើរបស់រដ្ឋ California អាមេរិកនឹងដែលផ្ញើសន្លឹកឆ្នោតនៃការបោះឆ្នោតសកលនៅខែវិច្ចិកាឆ្នាំនេះ តាមប៉ុស្តិ៍ប្រៃសណីយ៍ដោយអះអាងថា ការផ្ញើសន្លឹកឆ្នោតតាមប្រៃសណីយ៍នឹងបណ្តាលឱ្យកើតមានកេងបន្លំសន្លឹកឆ្នោត ដោយសារហិបឆ្នោតប្រហែលនឹងត្រូវប្លន់ឬសន្លឹកឆ្នោតត្រូវក្លែងបន្លំជាដើម ។
នៅក្រោមសំណេររបស់លោកត្រាំ បណ្តាញទំនាក់ទំនងសង្គម Twitter បានដាក់កំណត់សម្គាល់ថា “ស្វែងយល់ពីការពិតនៃការផ្ញើសន្លឹកឆ្នោតតាមប្រៃសណីយ៍” ព្រមទាំងបានដាក់តំណជាប់ព័ត៌មានបកស្រាយថា “តាមការផ្សាយដំណឹងរបស់ប្រព័ន្ធសារព័ត៌មាន ដូចជាCNN និងកាសែត The Washington Postជាដើមបានឱ្យដឹងថា ពាក្យសំដីរបស់លោកត្រាំស្តីពីការដែលការផ្ញើសន្លឹកឆ្នោតតាមប្រៃសណីយ៍អាចនឹងបណ្តាលឱ្យកើតមានរឿងក្លែងបន្លំសន្លឹកឆ្នោតនោះ គឺគ្មានភស្តុតាងទាល់តែសោះ អ្នកជំនាញបានការថ្លែងថា ការផ្ញើសន្លឹកឆ្នោតតាមប្រៃសណីយ៍ពិបាកបណ្តាលឱ្យកើតមានរឿងក្លែងបន្លំណាស់ ” ។
កាលពីមុន បណ្តាញទំនាក់ទំនងសង្គម Twitter មិនដែលដាក់កំណត់សម្គាល់បែបនេះទៅ លើសាររបស់លោកត្រាំទេ ដូច្នេះ ប្រការនេះទទួលបានការចាប់អារម្មណ៍ពីសំណាក់មជ្ឈដ្ឋនមតិសាធារណៈ ៕
