ពេលផ្តល់បទសម្ភាសន៍ជាមួយអ្នកសារព័ត៌មានកាលពីថ្ងៃទី២៦ខែឧសភា លោកMaYideតំណាងប្រជាជនទូទាំងប្រទេសចិននិងជាអ្នកស្រាវជ្រាវនៃវិទ្យាស្ថាននីតិសាស្រ្តនៃបណិ្ឌត្យសភាវិទ្យាសាស្ត្រសង្គមប្រទេសចិនបានស្នើឱ្យតាក់តែងឡើងក្នុងពេលឆាប់ៗនូវច្បាប់អភ័យឯកសិទ្ធិរបស់បរទេសដែលសមស្របនឹងសភាពការណ៍មូលដ្ឋាននៃប្រទេសចិន ដើម្បីការពារសមភាពនៃសិទ្ធិនិងផលប្រយោជន៍ស្របច្បាប់របស់ប្រជាពលរដ្ឋចិននិងវិនិយោគិនបរទេស ក្នុងពេលជាមួយគ្នានេះ ក៏ជាវិធានការតបតវិញចំពោះអាមេរិកជាដើមដែលបានចោទប្រកាន់ប្រទេសចិនក្នុងចេតនាអាក្រក់ក្រោមលេសជំងឺកូវីដ១៩ ។
“ការអនុវត្តគោលការណ៍អំពីការដាក់កំហិតចំពោះអភ័យឯកសិទ្ធិបានក្លាយជានិន្នាការតាក់តែងច្បាប់លើផ្ទៃអន្តរជាតិ ការពិតជាក់ស្តែងមានឧទាហរណ៍ជាច្រើនដែលរដ្ឋាភិបាលចិននិងរដ្ឋបាលតំបន់ត្រូវគេចោទប្តឹងនៅប្រទេសអាមេរិកជាដើម” លោកបានថ្លែងថា ចម្លោះខ្វះខាតក្នុងការតាក់តែងច្បាប់បានបណ្តាលឱ្យសិទ្ធិនិងផលប្រយោជន៍របស់ជនជាប់ចោទនៃប្រទេសចិនមិនអាចទទួលបានការជួយសម្រួលពីសំណាក់ស្ថាប័នតុលាការក្នុងប្រទេស ហើយរដ្ឋាភិបាលចិនក៏ត្រូវចោទប្តឹងជារឿយៗនៅតុលាការបរទេស ប្រការនេះមិនអាចបំពេញតាមតម្រូវការជាក់ស្តែងក្នុងការប្រាស្រ័យទាក់ទងជាមួយក្រៅប្រទេសរបស់ប្រទេសចិននោះឡើយ ។
តាមការផ្សាយដំណឹងឱ្យដឹងថា សំណើនេះទទួលបានការយោគយល់និងគាំទ្រជាឯកច្ឆន្ទពីសំណាក់តំណាងប្រជាជនទាំងឡាយ ក្នុងចំណោមគណៈប្រតិភូតំណាងប្រជាជនក្រុងប៉េកាំង មានតំណាងប្រជាជន៣៥រូបបានចុះហត្ថលេខារួមគ្នាព្រមទាំងដាក់សំណើនេះជូនមហាសន្និបាតដើម្បីពិនិត្យពិភាក្សា៕
