ថ្ងៃទី២៨ខែឧសភា សភាតំណាងប្រជាជនទូទាំងប្រទេសចិនដែលជាស្ថាប័ននីតិប្បញ្ញាតិកំពូលជាតិចិនបានអនុម័តសេចក្តីសម្រេចចិត្តស្តីពីការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តដែលគាំពារសន្តិសុខជាតិនៅតំបន់រដ្ឋបាលពិសេសហុងកុងដោយសំឡឹងឆ្នោតច្រើនលើសលប់សេចក្តីសម្រេចចិត្តនេះនឹងត្រូវអនុវត្តចាប់ពីថ្ងៃប្រកាសនេះតទៅ។
សេចក្តីសម្រេចចិត្តនេះបានផ្តល់សិទ្ធិអំណាចដល់គណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនឱ្យតាក់តែងច្បាប់ពាក់ព័ន្ធការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តដែលគាំពារសន្តិសុខជាតិនៅតំបន់រដ្ឋបាលពិសេសហុងកុង ដើម្បីបង្ការ ទប់ស្កាត់និងផ្តន្ទាទោសយ៉ាងប្រាកដប្រជាលើទង្វើនិងសកម្មភាពណាមួយដែលបំផ្លាញយ៉ាងខ្លាំងដល់សន្តិសុខជាតិដូចជាការធ្វើអបគមន៍ប្រទេសជាតិ ការប៉ុនប៉ងផ្តួលរំលំរដ្ឋអំណាចជាតិនិងការរៀបចំគម្រោងនិងអនុវត្តសកម្មភាពភេរវកម្មជាដើម ក៏ដូចជាសកម្មភាពជ្រៀតជ្រែកកិច្ចការតំបន់រដ្ឋបាលពិសេសហុងកុងរបស់កម្លាំងក្រៅពីដែនចិន ។សេចក្តីសម្រេចចិត្តបានកំណត់ជាក់លាក់ថា គណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនសម្រេចថានឹងបញ្ចូលច្បាប់ពាក់ព័ន្ធទៅក្នុងឯកសារឧបត្ថម្ភទី៣នៃច្បាប់មូលដ្ឋានហុងកុងហើយត្រូវប្រកាសអនុវត្តដោយតំបន់រដ្ឋបាលពិសេសហុងកុង ៕