នាពេលកន្លងទៅនេះ មជ្ឈដ្ឋានពាណិជ្ជកម្មហុងកុងបាននាំគ្នាសម្តែងការគាំទ្រចំពោះការបង្កើតនិងធ្វើឱ្យមានសុក្រឹតភាពនូវប្រព័ន្ធរបបច្បាប់និងយន្តការអនុវត្តនៃច្បាប់សន្តិសុខជាតិរបស់តំបន់រដ្ឋបាលពិសេសហុងកុង ដោយសម្គាល់ឃើញថា ការតាក់តែងច្បាប់សន្តិសុខជាតិពាក់ព័ន្ធនឹងហុងកុងនឹងផ្តល់ការធានាដល់អ្នកក្រុងហុងកុង និងមានអំណោយផលដល់ការបង្កើតបរិយាកាសវិនិយោគនិងប្រកបអាជីវកម្មដែលមានស្ថិរភាពនិងមានសណ្តាប់ធ្នាប់ ក៏ដូចជាពង្រឹងឋានៈជាមជ្ឈមណ្ឌលហិរញ្ញវត្ថុអន្តរជាតិផងដែរ។
ថ្ងៃទី២៧ខែឧសភា ពេលឆ្លើយតបនឹងសំណួររបស់ប្រព័ន្ធសារព័ត៌មាន លោក Li Jiangcheng ទីប្រឹក្សាជាន់ខ្ពស់នៃក្រុមសាជីវកម្ម Changhe ហុងកុងបានថ្លែងថា រាល់ប្រទេសនីមួយៗសុទ្ធតែមានសិទ្ធិអំណាចនិងតួនាទីដោះស្រាយបញ្ហាសន្តិសុខជាតិរបស់ខ្លួន។ រំពឹងថា ការតាក់តែងច្បាប់សន្តិសុខជាតិពាក់ព័ន្ធនឹងហុងកុង នឹងអាចកាត់បន្ថយាករព្រួយបារម្ភរបស់មជ្ឈិមចិនចំពោះហុងកុង និងដើរតួនាទីវិជ្ជមានក្នុងការអភិវឌ្ឍប្រកបដោយស្ថិរភាពក្នុងរយៈពេលយូររបស់ហុងកុង។ ជាមួយគ្នានេះដែរ រដ្ឋបាលនៃតំបន់រដ្ឋបាលពិសេសហុងកុងក៏ត្រូវរ៉ាប់រងទំនួលខុសត្រូវដើម្បីពង្រឹងជំនឿចិត្តរបស់អ្នកក្រុងហុងកុងចំពោះគោលនយោបាយប្រទេសមួយប្រព័ន្ធគ្រប់គ្រងពីរ ក៏ដូចជាពង្រឹងទំនុកចិត្តរបស់សហគមន៍អន្តរជាតិផងដែរ៕