មហាសន្និបាតប្រចាំឆ្នាំនៃសភាតំណាងប្រជាជនទូទាំងប្រទេសចិនកំពុងបើកធ្វើនៅក្រុងប៉េកាំង ។ របាយការណ៍ការងារគណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិនដែលដាក់ជូនមហាសន្និបាតពិនិត្យពិភាក្សាកាលពីថ្ងៃទី២៥ខែឧសភាបានបង្ហាញថា នៅឆ្នាំ២០២០គណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិននឹងបន្តផ្តោតសំខាន់ទៅលើការជំរុញការត្រួតពិនិត្យចំពោះភារកិច្ចសំខាន់ពាក់ព័ន្ធនឹងការអភិវឌ្ឍសេដ្ឋកិច្ចនិងសង្គមចិន។ នៅឆ្នាំ២០២០ វិស័យសំខាន់ៗដែលសភាតំណាងប្រជាជនទូទាំងប្រទេសចិននឹងត្រួតពិនិត្យបូករួមទាំងការត្រួតពិនិត្យចំពោះសភាពការណ៍អនុវត្តច្បាប់សំខាន់ៗដូចជាច្បាប់ការពារសត្វព្រៃ ច្បាប់សប្បុរសធម៌និងច្បាប់ប្រឆាំងការប្រកួតប្រជែងដោយអយុត្តិធម៌ជាដើម៕
