អំឡុងពេលមហាសន្និបាតនៃសភាទាំងពីររបស់ប្រទេសចិនឆ្នាំនេះកំពុងបើកធ្វើនៅទីក្រុងប៉េកាំង គណៈប្រតិភូតំណាងប្រជាជនខេត្តហ៊ូប៉ីកំពុងពិនិត្យពិភាក្សារបាយការណ៍ការងាររដ្ឋាភិបាល។បន្ទាប់ពីបានថ្លែងសុន្ទរកថារួចហើយ លោកស្រី យូឆឹង តំណាងប្រជាជនចិនមកពីសាលាឧស្សាហកម្មធុនស្រាលទីពីរក្រុងវូហានបានក្រោកឈរឡើងនិងឱនគោរព។ទង្វើនេះបានឆ្លុះបញ្ចាំងពីអត្ថន័យយ៉ាងជ្រាលជ្រៅ។
លោកស្រី យូឆឹង គឺជាគ្រូបង្រៀនម្នាក់ អំឡុងពេលផ្ទុះរីករាលដាលនៃជំងឺកូវីដ ១៩ នៅក្រុងវូហាន បានធ្វើឱ្យក្រុងវូហានត្រូវបិទក្រុង លោកស្រីបានចូលបម្រើការជាអ្នកស្ម័គ្រចិត្តនៅក្នុងសហគមន៍ និងរួមសហការជាមួយបុគ្គលិកសហគមន៍និងអ្នកស្ម័គ្រចិត្តដទៃទៀតដើម្បីគាំពារដោយពេញទំហឹងនូវតម្រូវការខាងជីវភាពរស់នៅនិងផ្នែកវេជ្ជសាស្ត្ររបស់ប្រជាជននៅក្នុងសហគមន៍។
ក្នុងនាមជាតំណាងប្រជាជនដែលមកពីថ្នាក់មូលដ្ឋាននៃក្រុងវូហាន លោកស្រីបានរៀបរាប់អំពីរឿងពិតដែលបានកើតឡើងនៅជុំវិញខ្លួនថា ៖
ជាអកុសល គ្រួសារដែលមានសមាជិក ៤ នាក់របស់សហសេវិកម្នាក់របស់លោកស្រីបានឆ្លងជំងឺកូវីដ ១៩ ទាំងអស់។លោកស្រី យូឆឹង បានជម្រាបថា គ្រួសារនេះបានជួបប្រទះនឹងការលំបាកដោយពីដំបូងពុំមានគ្រែសម្រាកព្យាបាល ហើយបន្ទាប់មក ត្រូវបានគេបញ្ជូនទៅមន្ទីរពេទ្យបណ្តោះអាសន្ន។ដោយសារកូនប្រសាររបស់សហការីខ្ញុំជាអ្នកជំងឺសភាពធ្ងន់ បានជាគាត់ត្រូវបានគេបញ្ជូនទៅបន្ទប់ ICU ដើម្បីជួយសង្រ្គោះឱ្យបានទាន់ពេលវេលា។ក្រោយមក ពួកគេ ទាំង ៤ នាក់បានជាសះស្បើយ និងចេញពីមន្ទីរពេទ្យ។កូនស្រីរបស់សហការីខ្ញុំបានសរសេរសំបុត្រមកខ្ញុំដោយរំលឹកឡើងវិញនូវបទពិសោធន៍ជីវិតនេះ ហើយថ្លែងអំណរគុណដោយស្មោះដល់លោកអគ្គលេខាធិការមជ្ឈិមបក្សកុម្មុយនិស្តចិន ស៊ីជីនភីង និងមនុស្សជាទីស្រឡាញ់ទាំងអស់ដែលបានជួយដល់ក្រុងវូហាន។
លោកស្រី យូឆឹង បានជម្រាបថា មានមនុស្សចាស់ដែលមានអាយុជាង ៨០ ឆ្នាំម្នាក់បាននិយាយថា" នេះជាលើកទីមួយដែលខ្ញុំបានជួបប្រទះនឹងការរីករាលដាលនៃជំងឺឆ្លងដ៏ធ្ងន់ធ្ងរបែបនេះសម្រាប់ជីវិតរបស់ខ្ញុំ។ហើយមិនអាចនឹកស្មានដល់ថា បានអាចបង្វែរនិងឱ្យវិលទៅរកស្ថេរភាពវិញក្នុងរយៈពេលដ៏ខ្លីៗបែបនេះនោះ។វាអាចធ្វើបានតែក្រោមការដឹកនាំរបស់បក្សកុម្មុយនិស្តចិននិងនៅក្រោមការគោរពពីប្រព័ន្ធសង្គមនិយមប៉ុណ្ណោះ។
ក្រុងវូហានជាទីក្រុងដែលកសាងនៅតាមទន្លេយ៉ាងសេ ។ ត្រីជាម្ហូបដ៏សំខាន់ម្យ៉ាងក្នុងជីវភាពប្រចាំថ្ងៃរបស់អ្នកក្រុងវូហាន ។ លោកស្រី Yucheng មិនអាចបំភ្លេចបានពេលដែលលោកស្រីយកត្រីស្រស់មួយទៅឱ្យលោកតា Liao ហើយលោកតាមានទឹកមុខពោរពេញទៅដោយសប្បាយរីករាយកាលពីថ្ងៃទី១៧ខែមីនា ។
លោកស្រី Yucheng ថ្លែងថា ពេលលោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនទៅត្រួតពិនិត្យការងារនៅក្រុងវូហាននៅដើមខែមីនាឆ្នាំនេះបានមានប្រសាសន៍ថា គួរតែខិតខំប្រឹងប្រែងធានាជីវភាពប្រចាំថ្ងៃរបស់ប្រជាជន ធានាការផ្គត់ផ្គង់វត្ថុដែលត្រូវការជាចាំបាច់ដូចជា អង្ករ មី ស្បៀង ប្រេងឆា សាច់ ស៊ុតនិងទឹកដោះគោជាដើម ។ លោកអគ្គលេខាធិការបានទូន្មានជាពិសេសថា អ្នកក្រុងវូហានចូលចិត្តញ៉ាំត្រីរស់ គួរតែផ្គត់ផ្គង់ឱ្យបានច្រើនក្នុងសភាពការណ៍ដែលអនុញ្ញាត ។
ក្នុងអំឡុងពេលបិទក្រុងវូហាន ក្រុងវូហានបានបង្កើតស្ថាប័នផ្គត់ផ្គង់ជលផលជាពិសេស បុគ្គលិកធ្វើការងារក្នុងសហគមន៍ប្រមូលព័ត៌មាននៃការទិញទំនិញរបស់ប្រជាជន សហគ្រាសជលផលត្រូវបានដឹកជញ្ជូនទៅដល់សហគមន៍ហើយចែកចាយនៅហ្នឹងកន្លែង អ្នកស្មគ្រចិត្តទទួលខុសត្រូវការចែកចាយក្នុងចម្ងាយ១០០ម៉ែត្រទីចុងបំផុតគឺជូនត្រីដែលវេចខ្ចប់រួចហើយទៅដល់អគារនីមួយៗ ហើយអ្នកទទួលខុសត្រូវនៃអគារនីមួយៗជូនត្រីទាំងនេះទៅដល់ផ្ទះប្រជាជន ។
លោកស្រី Yucheng បានថ្លែងទៀតថា មុនចូលរួមកិច្ចប្រជុំលើកនេះ អ្នកទាំងអស់គ្នាសុទ្ធតែឱ្យខ្ញុំថ្លែងអំណរគុណចំពោះអគ្គលេខាធិការនៅចំពោះមុខ ដើម្បីថ្លែងអំណរគុណចំពោះបក្សនិងជាតិ ព្រមទាំងឱនលំទោនចំពោះមិត្តភក្តិគ្រប់មជ្ឈដ្ឋានដែលផ្តល់ជំនួយដល់ក្រុងវូហានខេត្តHubei ។
កាលពីថ្ងៃទី ២៤ ខែឧសភា លោកអគ្គលេខាធិការ ស៊ីជីនភីង បានអញ្ជើញចូលរួមការពិនិត្យពិភាក្សារបាយការណ៍ការងាររដ្ឋាភិបាលជាមួយគណៈប្រតិភូខេត្ត Hubei ។ បន្ទាប់ពីថ្លែងកថា លោកស្រី Yucheng បានឈរឡើង ឱនលំទោនចំពោះលោកអគ្គលេខាធិការ ស៊ីជីនភីង ដោយនាំពាក្យបណ្តាំរបស់ប្រជាជនក្នុងស្រុកកំណើត ៕