គណៈកម្មាធិការរដ្ឋធម្មនុញ្ញនិងច្បាប់នៃសភាតំណាងប្រជាជនទូទាំងប្រទេសចិនបានបើកធ្វើកិច្ចប្រជុំពេញអង្គនៅព្រឹកថ្ងៃទី២៥ខែឧសភា ដោយអនុលោមតាមមតិពិនិត្យពិភាក្សារបស់គណៈប្រតិភូតំណាងប្រជាជននានា នឹងធ្វើការពិនិត្យពិភាក្សាចំពោះសេចក្តីព្រាងច្បាប់នៃក្រមរដ្ឋប្បវេណីនិងសេចក្តីព្រាងច្បាប់នៃសេចក្តីសម្រេចចិត្តស្តីពីការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តដែលគាំពារសន្តិសុខជាតិរបស់តំបន់រដ្ឋបាលពិសេសហុងកុង។ តំណាងប្រជាជនដែលមានវត្តមានបានឯកភាពគ្នាថា ប្រទេសចិនបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តដែលគាំពារសន្តិសុខជាតិរបស់តំបន់រដ្ឋបាលពិសេសហុងកុង វាមានអំណោយផលដល់ការប្រកាន់ខ្ជាប់និងកែលម្អគោលការណ៍”ប្រទេសមួយប្រព័ន្ធគ្រប់គ្រងពីរ” មានអំណោយផលដល់ការគាំពារអធិបតេយ្យភាព សន្តិសុខនិងផលប្រយោជន៍អភិវឌ្ឍន៍របស់ប្រទេសជាតិ ក៏ដូចជាមានអំណោយផលដល់ការគាំពារវិបុលភាពនិងស្ថិរភាពរបស់ហុងកុងក្នុងរយៈពេលយូរផងដែរ ។
តំណាងប្រជាជនទាំងឡាយបានឯកភាពគ្នាគាំទ្រសេចក្តីព្រាងច្បាប់នៃសេចក្តីសម្រេចចិត្តរបស់សភាតំណាងប្រជាជនទូទាំងប្រទេសចិនស្តីពីការបង្កើតនិងធ្វើឱ្យមានសុក្រឹតភាពនូវប្រព័ន្ធច្បាប់និងយន្តការអនុវត្តដែលគាំពារសន្តិសុខជាតិរបស់តំបន់រដ្ឋបាលពិសេសហុងកុង៕
