ថ្ងៃទី២៥ខែឧសភា ពេលផ្តល់បទសម្ភាសន៍តាមប្រព័ន្ធវីដេអូក្នុងកិច្ចប្រជុំលើកទី៣នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី១៣ លោកMiao Wei រដ្ឋមន្រ្តីក្រសួងឧស្សាហកម្មនិងព័ត៌មានវិទ្យាចិនបានប្រាប់ឱ្យដឹងថា បច្ចុប្បន្ននេះ នៅប្រទេសចិនជាងរៀងរាល់សប្តាហ៍នបន្ថែមការសាងសង់ស្ថានីយប្រព័ន្ធ ៥Gចំនួនជាង១ម៉ឺនកន្លែង។ ក្នុងខែមេសាកន្លងទៅនេះ អ្នកប្រើប្រាស់ប្រព័ន្ធ ៥Gបានបន្ថែមចំនួនជាង៧លាននាក់ សរុបជាង៣៦លាននាក់។
លោកMiao Wei បានចែករំលែកជាមួយអ្នកសារព័តមានជាតិនិងអន្តរជាតិនូវទិដ្ឋភាព៥Gមួយចំនួនក្នុងពេលថ្មីៗកន្លងទៅនេះ ដូចជាក្នុងអំឡុងពេលជំងឺកូវីដ១៩ លោកវេជ្ជបណ្ឌិត Zhong Nanshan បានពិនិត្យអ្នកជំងឺ៥នាក់ដែលមានអាការធ្ងន់តាមរយៈវីដេអូប្រើប្រព័ន្ធ៥G។ រូបភាពវីដេអូដែលបញ្ជូនតាមប្រព័ន្ធ៥Gភ្លឺច្បាស់ ដែលបានដើរតួនាទីសំខាន់ក្នុងការពិនិត្យនិងព្យាបាលអ្នកជំងឺ៕
