កាលពីយប់ថ្ងៃទី ២២ ខែឧសភា លោកស្រីប្រធានរដ្ឋបាលនៃតំបន់រដ្ឋបាលពិសេសហុងកុងបានដឹកនាំអគ្គនាយកនៃនាយកដ្ឋានទាំងអស់និងសមាជិកសន្និសីទរដ្ឋបាលធ្វើសន្និសីទសារព័ត៌មាន ។ លោកស្រីថ្លែងថា រដ្ឋបាលនៃតំបន់រដ្ឋបាលពិសេសហុងកុងគាំទ្រសភាតំណាងប្រជាជនទូទាំងប្រទេសចិនកសាងរបបច្បាប់និងយន្តការប្រតិបត្តិស្តីពីការធ្វើឱ្យហុងកុងមានភាពពេញលេញនិងគាំពារសន្តិសុខជាតិពីលើស្រទាប់ជាតិ ការងារតាក់តែងច្បាប់មានពាក់ព័ន្ធមានភាពចាំបាច់និងភាពបន្ទាន់ ។
លោកស្រីថ្លែងថា ហុងកុងបានវិលត្រឡប់មកមាតុប្រទេសចិនវិញជិត២៣ឆ្នាំហើយ ការងារតាក់តែងច្បាប់ដោយខ្លួនឯងនៅក្រោមក្របខ័ណ្ឌមាត្រាទី២៣នៃច្បាប់មូលដ្ឋាននៃតំបន់ហុងកុងដើម្បីហាមឃាត់អំពើបំផ្លាញសន្តិសុខជាតិ មិនមានការវិវឌ្ឍន៏អីឡើងដោយសារតែមូលហេតុផ្សេងៗ ។ ការនេះគួរឱ្យអស់សង្ឃឹម ។ ឆ្នាំទៅ ហុងកុងបានលេចចេញហានិភ័យបំផ្លាញដល់សន្តិសុខជាតិកាន់តែលេចធ្លោ អួតអាងឯករាជ្យហុងកុងដោយមានការចាត់ចែង មួលបង្កាច់គោលការណ៍ប្រទេស ១ របបគ្រប់គ្រងៗ ថែមទាំងមានការស្នើសុំបរទេសជ្រៀតជ្រែកកិច្ចការហុងកុង វាបានប៉ះដល់ខ្សែបន្ទាត់ក្រហមយ៉ាងធ្ងន់ធ្ងរ ។ សន្តិសុខជាតិគឺជារឿងចម្បងនៃប្រទេសនីមួយៗ តំបន់រដ្ឋបាលពិសេសហុងកុងគឺជាចំណែកមិនអាចបែងចែកបាននៃសាធារណៈរដ្ឋប្រជាមានិតចិន ។ ហុងកុងនឹងគួបផ្សំជាមួយនឹងគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន បញ្ចប់ការតាក់តែងច្បាប់មានពាក់ព័ន្ធក្នុងពេលឆាប់ៗ ដើម្បីបំពេញតួនាទីក្នុងការគាំពារសន្តិសុខជាតិ ៕
