មហាសនិ្នបាតប្រចាំឆ្នាំនៃសភាតំណាងប្រជាជនទូទាំងប្រទេសចិនកំពុងប្រារព្ធធ្វើនៅក្រុងប៉េកាំង។កាលពីថ្ងៃទី ២២ ខែឧសភា លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងតំណាងសភាប្រជាជនទូទាំងប្រទេសដែលមកពីភូមិភាគស្វយ័តម៉ុងហ្គោលីក្នុងបានរួមគ្នាធ្វើការពិនិត្យពិភាក្សារបាយការណ៍ការងារនៃរដ្ឋាភិបាល។លោកបានលើកឡើងថា ចាំបាច់ត្រូវតែសកម្មចាត់វិធានការដែលមានប្រសិទ្ធភាពមួយចំនួនក្នុងការជំរុញការស្ថាបនាគម្រោងសំខាន់ៗនិងលើកកម្ពស់សមត្ថភាពអភិបាលកិច្ចនៅមូលដ្ឋានព្រមទាំងត្រូវក្តាប់ជាប់នូវសិទ្ធិម្ចាស់ការក្នុងការទប់ទល់នឹងវិបត្តិ៕