លោក ស៊ីជីនភីង មេដឹកនាំកំពូលនៃគណៈកម្មាធិការមជ្ឈិមបក្សកុម្មុយនិស្តចិនបានថែ្លងកាលពីថ្ងៃទី ២២ ខែឧសភាថា ប្រជាជនគឺជាមូលដ្ឋានដ៏ខ្លាំងបំផុតនៃការកាន់អំណាចរបស់បក្សកុម្មុយនិស្តចិន។
លោក ស៊ីជីនភីង បានចូលរួមក្នុងការពិនិត្យពិភាក្សាការងាររបស់គណៈប្រតិភូម៉ុងហ្គោលីក្នុងនៃមហាសន្និបាតលើកទី ៣ នៃសភាតំណាងប្រជាជនទូទាំងប្រទេសចិននីតិកាលទី ១៣ នាថ្ងៃដដែលនោះ។លោកបានចង្អុលបង្ហាញថា ប្រជាធិបតេយ្យបែបសង្គមនិយមរបស់ប្រទេសចិនគឺជាប្រជាធិបតេយ្យប្រកបដោយភាពទូលំទូលាយ ភាពពិតបា្រកដនិងមានប្រសិទ្ធិភាពបំផុតដើម្បីគាំពារផលប្រយោជន៍ជាមូលដ្ឋានរបស់ប្រជាជន។យើងត្រូវតែប្រកាន់ខ្ជាប់នូវប្រជាធិបតេយ្យប្រជាជននិងប្រមូលផ្តុំនូវប្រាជ្ញានិងកម្លាំងរបស់ប្រជាជនឱ្យបានកាន់តែប្រសើរឡើង។
ចាប់តាំងពីសមាជបក្សកុម្មុយនិស្តចិនលើកទី ១៨ មក លោក ស៊ីជីនភីង តែងតែចាត់ទុក"គោលបំណងចំពោះជីវភាពរស់នៅដ៏ល្អបវររបស់ប្រជាជន"ជាទិសដៅកាន់អំណាចរបស់បក្សកុម្មុយនិស្តចិន។ក្នុងការពិនិត្យពិភាក្សាការងារនាថ្ងៃដដែលនោះ លោកបានតម្រូវជាថ្មីម្តងទៀតដល់កម្មាភិបាលនិងថ្នាក់ដឹកនាំគ្រប់ជាន់ថ្នាក់គប្បីចាត់ទុកផលប្រយោជន៍របស់ប្រជាជនជាសមិទ្ធផលសំខាន់បំផុតនៃការកាន់អំណាច និងខិតខំប្រឹងប្រែងដោះស្រាយបញ្ហាជាក់ស្តែងដែលមហាជនយកចិត្តទុកដាក់ ដូចជា ឱកាសការងារ ការអប់រំនិងការព្យាបាលផែ្នកវេជ្ជសាស្រ្តជាដើម ដើម្បីខិតខំធ្វើឱ្យប្រជាជនមើលឃើញការប្រែប្រួលនិងទទួលបានផលប្រយោជន៍៕