ថ្ងៃទី២២ខែឧសភា កិច្ចប្រជុំប្រចាំឆ្នាំនៃមហាសន្និបាតសភាតំណាងប្រជាជនទូទាំងប្រទេសចិនដែលជាស្ថាប័នអំណាចជាតិកំពូលរបស់ចិនបានបើកធ្វើនៅក្រុងប៉េកាំង ។ របាយការណ៍ការងាររដ្ឋាភិបាលដែលដាក់ជូនមហាសន្និបាតពិនិត្យពិភាក្សាបានគូសបញ្ជាក់ថា ក្នុងឆ្នាំថ្មីនេះ ចិននឹងបង្កើនកិច្ចសហប្រតិបត្តិការបង្ការជំងឺឆ្លងជាមួយប្រទេសនានា ខិតខំជំរុញស្ថិរភាពសេដ្ឋកិច្ចពិភពលោក ជំរុញអភិបាលកិច្ចជាសកល និងធ្វើឱ្យចំណងមិត្តភាពជាមួយប្រទេសនានាកាន់តែស៊ីជម្រៅតាមរយៈការបង្កើនការបើកទូលាយ ។
ថ្លែងអំពីកិច្ចការទូតចិននៅឆ្នាំ២០២០ លោកលីខឹឈាង នាយករដ្ឋមន្ត្រីចិនបានលើកឡើងក្នុងរបាយការណ៍ថា ប្រទេសនានាគួរតែពួតដៃគ្នាទប់ទល់នឹងបញ្ហាជាសកលដូចជា វិបត្តិសុខាភិបាលសាធារណៈនិងបញ្ហាសេដ្ឋកិច្ចធ្លាក់ចុះយ៉ាងខ្លាំងជាដើម ។ ប្រទេសចិននឹងបង្កើនកិច្ចសហប្រតិបត្តិការបង្ការជំងឺឆ្លងជាមួយប្រទេសនានា ខិតខំជំរុញស្ថិរភាព
សេដ្ឋកិច្ចពិភពលោក ជំរុញអភិបាលកិច្ចជាសកល គាំពារប្រព័ន្ធអន្តរជាតិដែលមានអង្គការសហប្រជាជាតិជាអ្នកដឹកនាំស្នូលនិងរបៀបរៀបរយអន្តរជាតិដែលមានច្បាប់អន្តរជាតិជាមូលដ្ឋាន ដើម្បីជំរុញការបង្កើតសហគមន៍រួមវាសនាមនុស្សជាតិ ។ ចិននឹងដើរតាមផ្លូវអភិវឌ្ឍន៍ប្រកបដោយសន្តិភាពដោយមិនងាករេ ធ្វើឱ្យកិច្ចសហប្រតិបត្តិការមេត្រីភាពជាមួយប្រទេសនានាមានភាពកាន់តែស៊ីជម្រៅតាមរយៈការពង្រីកការបើកទូលាយ ។ ចិនជាកម្លាំងសំខាន់សម្រាប់ជំរុញសន្តិភាព ស្ថិរភាព ការអភិវឌ្ឍនិងវិបុលភាពពិភពលោកជាប់ជានិច្ច ។
