ក្នុងឆ្នាំនេះ ប្រទេសចិននឹងធានាឱ្យប្រជាជនក្រីក្រដែលនៅសេសសល់បម្រះខ្លួនចេញផុតពីភាពក្រីក្រទាំងអស់
របាយការណ៍ការងាររដ្ឋាភិបាលដែលដាក់ជូនមហាសន្និបាតសភាតំណាងប្រជាជនទូទាំងប្រទេសចិនពិនិត្យពិភាក្សានៅថ្ងៃទី២២ខែឧសភាបានគូសបញ្ជាក់ថា ឆ្នាំនេះប្រទេសចិនត្រូវធានាឱ្យប្រជាជនក្រីក្រដែលនៅសេសសល់បម្រះខ្លួនចេញផុតពីភាពក្រីក្រទាំងអស់ បង្កើនកម្លាំងពុះពារឧបសគ្គក្នុងការលុបបំបាត់ភាពក្រីក្រនៅតាមស្រុកក្រីក្រនិងភូមិក្រីក្រដែលនៅសេសសល់ ធ្វើសកម្មភាពឧបត្ថម្ភជនក្រីក្រតាមរយៈការប្រើប្រាស់ក្នុងទីផ្សារ និងគាំទ្រឧស្សាហកម្មឧបត្ថម្ភជនក្រីក្រស្តារការអភិវឌ្ឍឡើងវិញ។ បង្កើនការគាំទ្រជាបន្តទៀតក្រោយពីជនក្រីក្ររើទីលំនៅទៅតំបន់អភិវឌ្ឍន៍ដើម្បីបម្រះខ្លួនចេញពីភាពក្រីក្រ បន្តជំរុញឱ្យការបម្រះខ្លួនចេញពីភាពក្រីក្រផ្សារភ្ជាប់ជាមួយការធ្វើឱ្យជនបទមានវិបុលភាព ខិតខំពេញទំហឹងដើម្បីធ្វើឱ្យប្រជាជនដែលបម្រះខ្លួនចេញពីភាពក្រីក្រមានជីវភាពធូរធារ៕
