របាយការណ៍ការងាររដ្ឋាភិបាលដែលបានដាក់ជូនមហាសន្និបាតសភាតំណាងប្រជាជនទូទាំងប្រទេសចិនពិនិត្យពិភាក្សានៅថ្ងៃទី២២ខែឧសភាបានគូសបញ្ជាក់ថា រដ្ឋាភិបាលមជ្ឈិមចិននឹងអនុវត្តដោយគ្រប់ជ្រុងជ្រោយនិងត្រឹមត្រូវនូវគោលការណ៍”ប្រទេសមួយប្រព័ន្ធគ្រប់គ្រងពីរ” “ពលរដ្ឋហុងកុងគ្រប់គ្រង់ហុងកុង” “ពលរដ្ឋម៉ាកាវគ្រប់គ្រងម៉ាកាវ” ប្រកបដោយស្វ័យភាពខ្ពស់ក៏ដូចជាបង្កើតនិងធ្វើឱ្យមានសុក្រឹតភាពនូវច្បាប់និងយន្តការអនុវត្តសម្រាប់តំបន់រដ្ឋបាលពិសេសគាំពារសន្តិសុខជាតិ អនុវត្តជាក់ស្តែងនូវទំនួលខុសត្រូវផ្នែករដ្ឋធម្មនុញ្ញនៃរដ្ឋបាលនៃតំបន់រដ្ឋបាលពិសេស គាំទ្រការអភិវឌ្ឍសេដ្ឋកិច្ចនៃតំបន់ហុងកុងនិងម៉ាកាវអភិវឌ្ឍសេដ្ឋកិច្ច កែលម្អជីវភាពរស់នៅរបស់ប្រជាជន ដើម្បីរួមបញ្ជូលជាមួយស្ថានការណ៍ទូទៅនៃការអភិវឌ្ឍរបស់ប្រទេសជាតិ គាំពារភាពរុងរឿងនិងស្ថិរភាពយូរអង្វែងនៅតំបន់ហុងកុងនិងម៉ាកាវ ។
ព្រមពេលជាមួយគ្នានេះ របាយការណ៍ក៏បានរំលឹកឡើងវិញនូវគោលនយោបាយរបស់ចិនដីគោកចំពោះចិនតៃវ៉ាន់ ដោយបានគូសបញ្ជាក់ថា ត្រូវធ្វើឱ្យបានល្អនិងជំរុញការងារចាត់ចែងវិធានការខាងប្រព័ន្ធនិងគោលនយោបាយសម្រាប់កិច្ចសហប្រតិបត្តិការនិងការផ្លាសប្តូររវាងត្រើយទាំងសងខាង ធ្វើឱ្យស៊ីជម្រៅនូវការអភិវឌ្ឍដោយរួមបញ្ជូលគ្នារវាងត្រើយទាំងសងខាង និងធានាដល់សុខុមាលភាពរបស់បងប្អូនជនរួមជាតិតៃវ៉ាន់ រួមសាមគ្គីជាមួយបងប្អូនជនរួមជាតិតៃវ៉ានដើម្បីប្រឆាំងនឹង”ការប៉ុនប៉ងឱ្យតៃវ៉ានឯករាជ្យ ” ជំរុញឯកភាពជាតិ ដើម្បីបង្កើតអនាគតដ៏ល្អប្រសើរនៃការស្តារភាពរុងរឿងរបស់ប្រជាជាតិចិនឡើងវិញ ៕
