ថ្ងៃទី២២ខែឧសភា លោកលីខឺឈាងនាយករដ្ឋមន្រ្តីចិនបានថ្លែងថា នៅឆ្នាំ២០១៩ ក្នុងសភាពការណ៍ដែលការអភិវឌ្ឍត្រូវប្រឈមនឹងការលំបាកនិងបញ្ហាជាច្រើន ប្រទេសចិនបានសម្រេចគោលដៅសំខាន់ៗពេញមួយឆ្នាំ សេដ្ឋកិច្ចបានដំណើរការដោយមានស្ថិរភាពជាទូទៅ ជីវភាពរស់នៅរបស់ប្រជាជនត្រូវបានកែលម្អថែមមួយកម្រិតទៀតដែលបានបង្កើតជាមូលដ្ឋានគ្រឹះដ៏រឹងមាំសម្រាប់ការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ។
នៅឆ្នាំ២០១៩ ផលិតផលក្នុងស្រុកសរុបនៃប្រទេសចិនមានដល់ទៅ៩៩.១ទ្រីលានយាន់ប្រាក់ចិនដែលបានកើនឡើង៦.១%។ ឱកាសការងារថ្មីតាមទីក្រុងនិងជនបទកើនឡើង១៣លាន៥សែន២ម៉ឺននាក់ ប្រជាជនក្រីក្រតាមជនបទត្រូវបានកាត់បន្ថយចំនួន១១លាន៩ម៉ឺននាក់ ហើយប្រាក់ចំណូលដែលអាចយកទៅប្រើប្រាស់បានរបស់ប្រជាពលរដ្ឋគិតជាមធ្យមក្នុងមនុស្សម្នាក់ៗគឺលើសពី៣ម៉ឺនយាន់ប្រាក់ចិន ៕
