រសៀលថ្ងៃទី២០ខែឧសភា មជ្ឈមណ្ឌលព័ត៌មាននៃកិច្ចប្រជុំលើកទីបីនៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣បានបើកធ្វើសន្និសីទសារព័ត៌មាន ។ លោក Guo Weimin អ្នកនាំពាក្យនៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិនបានថ្លែងថា ប្រឈមមុខនឹងការវាយប្រហារយ៉ាងខ្លាំងពីជំងឺកូវីដ១៩ ប្រទេសចិនបានដាក់ចេញវិធានការនិងគោលនយោបាយមួយចំនួនសម្រាប់ទប់ទល់ និយាយជារួម ស្ថានភាពអភិវឌ្ឍន៍នៃសេដ្ឋកិច្ចសង្គមបានរក្សាស្ថិរភាពជាទូទៅ ។
លោកបានគូសបញ្ជាក់ថា ប្រទេសនានាគួរតែបង្កើនសាមគ្គីភាពនិងកិច្ចសហប្រតិបត្តិការ តែសម្រួលគោលជំហរនៃគោលនយោបាយ គាំពារខ្សែសង្វាក់ឧស្សាហកម្មទូទាំងពិភពលោក និងស្ថិរភាពនៃខ្សែសង្វាក់ផ្គត់ផ្គង់ បង្ការកុំឱ្យសេដ្ឋកិច្ចពិភពលោកធ្លាក់ចុះ តែមិនត្រូវមានទំនាស់ជាមួយនឹងប្រទេសជិតខាង ឬដាក់ប្រទេសណាឱ្យនៅឯកោនោះទេ ហើយក៏មិនអាចធ្វើឱ្យបញ្ហាជំងឺឆ្លងទៅជានយោបាយដោយការមួលបង្កាច់ ចោទប្រកាន់និងបដិបក្ខគ្នានោះទេ ។