មហាសន្និបាតនៃសភាទាំងពីររបស់ប្រទេសចិនកំពុងបើកធ្វើនៅទីក្រុងប៉េកាំង។តើប្រទេសចិននឹងធ្វើយ៉ាងដូចម្តេចដើម្បីចាត់ចែងការងារទប់ទល់នឹងជំងឺឆ្លងផងនិងអភិវឌ្ឍន៍សេដ្ឋកិច្ចសង្គមផងគឺទទួលបានការយកចិត្តទុកដាក់ខ្ពស់ពីសហគមន៍អន្តរជាតិ។ទិន្នន័យជាច្រើនបានបង្ហាញថា ប្រទេសចិនអាចសម្រេចទិសដៅភារកិច្ចអភិវឌ្ឍន៍ផ្នែកសេដ្ឋកិច្ចនិងសង្គមកិច្ចក្នុងតាមពេលកំណត់។
តាំងពីផ្ទុះករណីជំងឺឆ្លងមក សូចនាករណ៍សេដ្ឋកិច្ចមួយចំនួនរបស់ប្រទេសចិនបង្ហាញថា សេដ្ឋកិច្ចកំពុងពន្លឿនការស្តារឡើងវិញ។ឧត្តមភាពខាងមូលដ្ឋានឧស្សាហកម្មនិងប្រភពធនធានមនុស្សរបស់ប្រទេសចិននៅតែមានដដែល ចរាចរណ៍ទំនិញនិងហេដ្ឋារចនាសម្ព័ន្ធគមនាគមន៍ដ៏ល្អពេញលេញដែលអាចបម្រើការដល់កំណើនសេដ្ឋកិច្ចក្នុងរយៈពេលមធ្យមនិងយូរដោយមានប្រសិទ្ធភាព។លើសពីនេះទៅទៀត ប្រទេសចិនកំពុងធ្វើឱ្យស៊ីជម្រៅនូវកំណែទម្រង់និងការបើកទូលាយចំពោះអន្តរជាតិឥតឈប់ឈរដើម្បីជំរុញការច្នៃប្រឌិតថ្មី។
ទំនុកចិត្តរបស់ពិភពលោកចំពោះទីផ្សារប្រទេសចិនគឺមិនផ្លាស់ប្តូរទេដោយសារប្រការខាងលើទាំងនេះ។សហគ្រាសឆ្លងដែនជាច្រើនដូចជា ក្រុមហ៊ុនWalmart និង ក្រុមហ៊ុនExxon Mobilជាដើមបានបញ្ចេញសំឡេងគាំទ្រដល់សេដ្ឋកិច្ចប្រទេសចិន។មានសហគ្រាសបរទេសប្រហែល៤០%បានបង្ហាញថានឹងបង្កើនការបណ្តាក់ទុនក្នុងប្រទេសចិននាពេលខាងមុខនេះ។
លោកPierre Picquartសាស្រ្តាចារ្យនៃសកលវិទ្យាល័យទី៨នៃក្រុងប៉ារីសប្រទេសបារាំងបានយល់ឃើញថា ការបើកមហាសន្និបាតនៃសភាទាំងពីរជាសញ្ញាកត់សម្គាល់ថា សេដ្ឋកិច្ចប្រទេសចិនបានដើរឆ្ពោះទៅរកការស្តារឡើងវិញហើយ ពិភពលោករឹតតែផ្តោតការយកចិត្តទុកដាក់ទៅលើប្រទេសចិនជាងកាលពីមុនទៅទៀត។
មហាសន្និបាតនៃសភាទាំងពីររបស់ប្រទេសចិននឹងធ្វើការសម្រេចចិត្តជុំវិញការស្តារនិងអភិវឌ្ឍសេដ្ឋកិច្ចក្នុងន័យបន្តបញ្ចូលកម្លាំងចលករដ៏មានស្ថិរភាពសម្រាប់សេដ្ឋកិច្ចពិភពលោក។