មហាសន្និបាតនៃសភាទាំងពីររបស់ចិនឆ្នាំ២០២០ជិតនឹងបើកធ្វើនៅក្រុងប៉េកាំង ។ មាន៧វិស័យដែលគួរឱ្យយកចិត្តទុកដាក់៖ ទីមួយ ការបង្ការនិងគ្រប់គ្រងជំងឺកូវីដ១៩ ។ ទីពីរ ទិសដៅអភិវឌ្ឍន៍នៃសេដ្ឋកិច្ចសង្គមឆ្នាំនេះ ។ ទីបី តើអាចសម្រេចទិសដៅភារកិច្ចលុបបំបាត់ភាពក្រីក្រតាមពេលកំណត់យ៉ាងដូចម្តេច ? ។ ទីបួន ការធានាបាននូវការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ។ ទី៥ សេចក្តីព្រាងច្បាប់នៃក្រមស៊ីវិល ។ ទី៦ ការធានាដល់ជីវភាពប្រជាជន ។ ទី៧ គោលនយោបាយជាមួយបរទេសរបស់ចិននៅពេលអនាគត ។
លោកបណ្ឌិត Michael Borchmann ដែលសិក្សាអំពីកិច្ចការអឺរ៉ុបនិងអន្តរជាតិរបស់អាល្លឺម៉ង់បានថ្លែងថា ការបើកធ្វើមហាសន្និបាតនៃសភាទាំងពីររបស់ចិនបានបង្ហាញពីសញ្ញានៃក្តីសង្ឃឹមចំពោះពិភពលោក ។ ប្រសិទ្ធភាពទប់ទល់នឹងជំងឺកូវីដ១៩របស់ចិនគឺលេចធ្លោណាស់ ស្ថានការណ៍ស្តារផលិតកម្មឡើងវិញមានភាពល្អប្រសើរឡើង ។ នេះជាសញ្ញានៃក្តីសង្ឃឹមមួយចំពោះប្រទេសកំពុងរងឥទ្ធិពលពីជំងឺឆ្លង ។