មហាសន្និបាតសុខភាពពិភពលោកលើកទី ៧៣ បានបើកធ្វើកាលពីថ្ងៃទី ១៨ ខែឧសភាតាមប្រព័ន្ធវីដេអូ។លោក Tedros Adhanom Ghebreyesus ប្រធានអង្គការសុខភាពពិភពលោកបានអំពាវនាវជាថ្មីម្តងទៀតឱ្យរួមសាមគ្គីគ្នានិងធ្វើកិច្ចសហប្រតិបត្តិការជាសកលដើម្បីប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ ។
លោក Tedros Adhanom Ghebreyesus បានថែ្លងថា ការរីករាលដាលនៃជំងឺកូវីដ ១៩ គឺជាវិបត្តិសុខាភិបាលដ៏ធំមួយនៅក្នុងយុគសម័យរបស់ពួកយើង។ពិភពលោកមិនមែនខ្វះខាតឧបករណ៍ វិទ្យាសាស្ត្រឬធនធានសម្រាប់ប្រយុទ្ធប្រឆាំងនឹងការរាតត្បាតនៃជំងឺឆ្លងនោះឡើយ។ប៉ុន្តែអ្វីដែលកំពុងខ្វះខាត គឺពាក្យសន្យាជាប់លាប់សម្រាប់ការប្រើប្រាស់ឧបករណ៍ វិទ្យាសាស្ត្រនិងធនធានទាំងនេះ។មនុស្សជាតិត្រូវការពិភពលោកមួយដែលមានសុខភាពរឹងមាំ មានសុវត្ថិភាពនិងប្រកបដោយយុត្តិធម៌ ដូច្នេះ ពួកយើងត្រូវការអង្គការសុខភាពពិភពលោកដែលប្រកបដោយភាពរឹងមាំជាងពេលមុនៗ។
ដោយសារតែរងផលប៉ះពាល់ពីការរីករាលដាលនៃកូវីដ ១៩ មហាសន្និបាតសុខភាពពិភពលោកបានប្រារព្ធឡើងជាលើកដំបូងតាមប្រព័ន្ធវីដេអូ៕