ឆ្នាំនេះជាឆ្នាំដែលប្រទេសចិននឹងសម្រេចការកសាងនូវសង្គមដែលប្រជាជនមានជីវភាពធូរធារបង្គួរដោយគ្រុបជ្រុងជ្រោយនិងជាឆ្នាំដែលសម្រេចបាននូវផែនការអភិវឌ្ឍន៍ជាតិ "៥" ឆ្នាំទី ១៣ ហើយក៏ជាឆ្នាំដែលបានយកជ័យជម្នះលើកិច្ចការពុះពារឧបសគ្គដើម្បីកាត់បន្ថយភាពក្រីក្រផងដែរ។ប្រធានការិយាល័យក្រុមការងារដឹកនាំការកាត់បន្ថយភាពក្រីក្រនិងអភិវឌ្ឍន៍នៃក្រុមប្រឹក្សាកិច្ចការរដ្ឋចិនបានថែ្លងនៅទីក្រុងប៉េកាំងកាលពីថ្ងៃទី ១៨ ខែឧសភា ថា ដាច់ខាតមិនឱ្យជំងឺកូវីដ ១៩ ប៉ះពាល់ដល់ស្ថានភាពជាទូទៅនៃយុទ្ធនាការពុះពារឧបសគ្គក្នុងការលុបបំបាត់ភាពក្រីក្ររបស់ប្រទេសចិននោះឡើយ។ជំហានបន្ទាប់មកទៀត រដ្ឋាភិបាលនឹងត្រួតពិនិត្យការងារលុបបំបាត់ភាពក្រីក្ររបស់ស្រុកក្រីក្រចំនួន ៥២ និងភូមិក្រីក្រចំនួន ១១១៣ ដែលមានចំនួនប្រជាជនក្រីក្រជាច្រើននិងពិបាកក្នុងការលុបបំបាត់ភាពក្រីក្រនៅទូទាំងប្រទេស និងដោះស្រាយបញ្ហាលេចធ្លោដើម្បីធានាដល់ការសម្រេចឱ្យបាននូវទិសដៅភារកិច្ចនៃការយកឈ្នះលើកិច្ចការពុះពារឧបសគ្គដើម្បីកាត់បន្ថយភាពក្រីក្រឱ្យបានតាមពេលកំណត់៕