នាពេលថ្មីៗកន្លងទៅនេះ អគ្គស្ថានីយវិទ្យុនិងទូរទស្សន៍មជ្ឈិមចិនបានចេញផ្សាយបទវិភាគអន្តរជាតិជាបន្តបន្ទាប់ ដូចជាបទវិភាគ «លោក Pompeoដែលផ្សព្វផ្សាយវីរុសនយោបាយកំពុងក្លាយជាសត្រូវរួមរបស់មនុស្សជាតិ » « លោក Pompeo ដែលបានប្រព្រឹត្តិកំហុសធំទាំង ៤ បានប្រាសចាកពីសារជាតិនៃមនុស្ស »និង«អ្នកនយោបាយអាមេរិកដែលដើរផ្លូវខុសមិនមែនប្រលែងជាមួយភ្លើងទេ តែគឺប្រលែងជាមួយជីវិត»ជាដើម បានលាតត្រដាងអ្នកនយោបាយអាមេរិកប្រឆាំងប្រទេសចិនបានពង្រីកធំការទម្លាក់កំហុសទៅឱ្យប្រទេសចិន ប៉ុនបង់ច្រាលចោលទំនួលខុសត្រូវខាងការបង្ការនិងគ្រប់គ្រងជំងឺឆ្លង បង្វែរក្រសែកភ្នែកក្នុងស្រុក បោកបញ្ជោតសន្លឹកឆ្នោត បទវិភាគទាំងនេះបានគូសបញ្ជាក់ថា អ្នកនយោបាយអាមេរិកត្រូវទទួលខុសត្រូវចំពោះការរាតត្បាតនៅលើពិភពលោកទាំងមូលនៃជំងឺឆ្លង ព្រមទាំងបានលើកឡើងថា សហគមន៍អន្តរជាតិត្រូវធ្វើការស៊ើបអង្កេតចំពោះការងារប្រយុទ្ធប្រឆាំងនឹងជំងឺឆ្លងរបស់អាមេរិកដែលគួរឱ្យចោទជាមន្ទិលសង្ស័យ ។
កម្មវិធី«ព័ត៌មានប្រចាំថ្ងៃ»នៃអគ្គស្ថានីយវិទ្យុនិងទូរទស្សន៍មជ្ឈិមចិនបានចាក់ផ្សាយ«បទវិភាគអន្តរជាតិ»មួយចំនួនជាបន្តបន្ទាប់ ទីភ្នាក់ងារសារព័ត៌មានវីដេអូអន្តរជាតិបានចាក់ផ្សាយឈុតឆាតពាក់ព័ន្ធនៃកម្មវិធី«ព័ត៌មានប្រចាំថ្ងៃ» កម្មវិធីព័ត៌មានជាភាសាអង់គ្លេសនៃស្ថានីយទូរទស្សន៍អន្តរជាតិ និងព័ត៌មានជាច្រើនភាសា ដែលទទួលបានការចាប់អារម្មណ៍យ៉ាងខ្លាំងពីសំណាក់មជ្ឈដ្ឋានមតិអន្តរជាតិ ។ ប្រព័ន្ធសារព័ត៌មានអន្តរជាតិសំខាន់ៗជាង១០០បានផ្សាយនិងចុះផ្សាយព័ត៌មានពាក់ព័ន្ធ ក្នុងនោះបូករួមទាំងបណ្តាញសារព័ត៌មានអាមេរិក CNN ក្រុមហ៊ុនវិទ្យុសំលេងអង់គ្លេស BBC ស្ថានីយទូរទស្សន៍ប៉ុស្តិ៍២៤ ក្រុមហ៊ុនវិទ្យុនិងទូរទស្សន៍អ៊ីតាលី ក្រុមហ៊ុនវិទ្យុជាតិរុស្ស៊ី ស្ថានីយទូរទស្សន៍ Al Jazeeraនៃប្រទេសកាតា ព្រមនិងកាសែត The Wall Street ទស្សនាវដី្ត Newsweek របស់អាមេរិក កាសែត The Times របស់អង់គ្លេស និងទីភ្នាក់ងារព័ត៌មានបារាំងជាដើម ។
ពីថ្ងៃទី ១ ដល់ទី ៣នៃខែឧសភា ប៉ុស្តិ៍ព័ត៌មានក្នុងស្រុកនិងប៉ុស្តិ៍ព័ត៌មានអន្តរជាតិនៃបណ្តាញសារព័ត៌មានអាមេរិកCNN ក៏បានចាក់ផ្សាយព័ត៌មានសរុប៩លើកក្នុង៣ថ្ងៃជាប់ៗគ្នាថា ក្នុងសប្តាហ៍នេះ ស្ថានីយទូរទស្សន៍មជ្ឈិមចិនបានចាក់ផ្សាយបទវិភាគជារៀងរាល់ថ្ងៃ ដើម្បីឆ្លើយតបនឹងចោទប្រកាន់ប្រទេសចិនរបស់របស់លោក Pompeo រដ្ឋមន្ត្រីការបរទេសអាមេរិក ក្នុងនោះមានបទវិភាគមួយបានលើកឡើងថា «លោក Pompeoដែលផ្សព្វផ្សាយវីរុសនយោបាយកំពុងក្លាយជាសត្រូវរួមរបស់មនុស្សជាតិ » ។
ថ្ងៃទី ៤ ខែឧសភា វេបសាយនៃកាសែត The Wall Street របស់អាមេរិកបានចុះផ្សាយអត្ថបទ ថា លោក Pompeo ចោទប្រកាន់ម្តងហើយម្តងទៀតថា វីរុសជំងឺកូវីដ១៩បានកើតចេញពី បន្ទប់ពិសោធន៍នៃប្រទេសចិន ដែលបានបណ្តាលឱ្យប្រព័ន្ធសារព័ត៌មានចិនខឹងក្តៅក្រហាយ ។
ថ្ងៃទី ៣០ ខែមេសា ថ្ងៃទី១ ទី៤ ខែឧសភា វិទ្យុសំឡេងសហរដ្ឋអាមេរិកVOA បានដកស្រង់សរុប១៧លើកពីបទវិភាគជាភាសាអង់គ្លេសរបស់ទូរទស្សន៍មជ្ឈិមចិនដែលមានចំណងជើងថា « លោក Pompeo ដែលបានប្រព្រឹត្តិកំហុសធំទាំង ៤ បានប្រាសចាកពីសារជាតិនៃមនុស្ស» ៕