រដ្ឋមន្រ្តីក្រសួងពាណិជ្ជកម្មនិងវិនិយោគនៃប្រទេស G២០បានធ្វើកិច្ចប្រជុំតាមប្រព័ន្ធវិដេអូកាលពីថ្ងៃទី១៤ខែឧសភា ដោយសន្យាថានឹងខិតខំប្រឹងប្រែងធ្វើកិច្ចសម្របសម្រួលនិងកិច្ចសហប្រតិបត្តិការដើម្បីកាត់បន្ថយផលប៉ះពាល់លើវិស័យពាណិជ្ជកម្មនិងវិនិយោគដែលបណ្តាលមកពីការរីករាយដាលនៃជំងឺកូវីដ១៩ ដើម្បីបង្កើតមូលដ្ឋានគ្រឹះដ៏រឹងមាំសម្រាប់ការងើបឡើងវិញនៃសេដ្ឋកិច្ចពិភពលោកទាំងមូល សម្រេចកំណើនសេដ្ឋកិច្ចប្រកបដោយសន្ទុះខ្លាំង និរន្តរភាព តុល្យភាពនិងបរិយាប័ន្ន។
កិច្ចប្រជុំបានចេញសេចក្តីថ្លែងការណ៍ថា រដ្ឋមន្រ្តីក្រសួងពាណិជ្ជកម្មនិងវិនិយោគនៃប្រទេស G២០គាំទ្រ«ផែនការប្រតិបត្តិស្តីពីប្រទេស G២០ទប់ទល់នឹងការរីករាលដាលនៃជំងឺកូវីដ១៩ គាំទ្រពាណិជ្ជកម្មនិងវិនិយោគរបស់ពិភពលោក»ដែលតាក់តែងដោយក្រុមការងារពាណិជ្ជម្មនិងវិនិយោគ ។ វិធានការរយៈពេលខ្លីនៃផែនការប្រតិបត្តិគឺធ្វើឡើងក្នុងគោលបំណងកាត់បន្ថយផលប៉ះពាល់បណ្តាលមកពីការរីករាលដាលនៃជំងឺកូវីដ១៩ វិធានការរយៈពេលវែងរួមមាន គាំទ្រការធ្វើកំណែទម្រង់ដ៏ចាំបាច់ចំពោះអង្គការពាណិជ្ជកម្មពិភពលោកនិងប្រព័ន្ធពាណិជ្ជកម្មពហុភាគី ពង្រឹងភាពធន់នៃខ្សែសង្វាក់ផ្គត់ផ្គង់ជាសកល និងពង្រឹងការវិនិយោគអន្តរជាតិផងដែរ៕