ថ្ងៃទី១៣ខែឧសភា ក្នុងពេលធ្វើសន្និសីទសារព័ត៌មានជាប្រចាំ លោចាវលីជានអ្នកនាំពាក្យក្រសួងការបរទេសចិនបានថ្លែងថា ការបង្កើតឧបសគ្គដល់វិនិយោគិនអាមេរិកចូលទីផ្សារចិនក្រោមលេសសន្តិសុខជាតិ បានត្រឹមតែធ្វើឱ្យខូចខាតផលប្រយោជន៍ផ្ទាល់ខ្លួនរបស់វិនិយោគិនអាមេរិកតែប៉ុណ្ណោះ។
តាមការផ្សាយដំណឹងឱ្យដឹងថា បច្ចុប្បន្ននេះ រដ្ឋាភិបាលអាមេរិកបានសំណូមពរឱ្យមូលនិធិសោធននិវត្តន៍សហព័ន្ធអាមេរិកបញ្ឈប់ឬដកការវិនិយោគចេញពីប្រទសចិន។ ពេលឆ្លើយតបនឹងសំណួរពាក់ព័ន្ធ លោកចាវលីជានបានថ្លែងទៀតថា ធាតុពិតនៃកិច្ចសហប្រតិបត្តិការសេដ្ឋកិច្ចរវាងចិននិងអាមេរិកគឺការផ្តល់ផលប្រយោជន៍ដល់គ្នានិងឈ្នះ-ឈ្នះ។ ប៉ុន្មានឆ្នាំចុងក្រោយនេះ ទីផ្សារមូលធនចិនមានប្រជាប្រិយភាពខ្លាំងឡើងៗពីសំណាក់វិនិយោគិនទូទាំងពិភពលោកក្នុងនោះបូករួមទាំងអាមេរិកផង នេះបានបង្ហាញពីទំនុកចិត្តរបស់វិនិយោគិនចំពោះការអភិវឌ្ឍសេដ្ឋកិច្ចរបស់ប្រទេសចិនដែលមាននិន្នាការទៅរកភាពល្អប្រសើក្នុងភាពនឹងនរ និងការទទួលស្គាល់ចំពោះការធ្វើឱ្យស៊ីជម្រៅនូវកំណែទម្រង់និងបើកទូលាយនៃទីផ្សារមូលធនចិនផងដែរ៕