កាលពីថ្ងៃទី ២២ ខែមេសា លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានអញ្ជើញចុះត្រួតពិនិត្យការងារនៅក្រុងស៊ីអាន ។ លោកបានទៅដល់ក្រុមហ៊ុនរថយន្តខេត្តស្រានស៊ី សកលវិទ្យាល័យគមនាគមន៍ស៊ីអាននិងវិថីពាណិជ្ជកម្មទេសចរណ៍ជាដើម ដើម្បីស្វែងយល់អំពីសភាពការណ៍ស្តារផលិតកម្មឡើងវិញនៃសហគ្រាសនិងសណ្តាប់ធ្នាប់នៃជីវភាពរស់នៅក្នុងសង្គមជាដើម ។
ក្រុមហ៊ុនរថយន្តខេត្តស្រានស៊ីជាសហគ្រាសផលិតរថយន្តដ៏ធំបំផុតនៅតំបន់ភាគពាយ័ព្យប្រទេសចិន ដែលស្ថិតនៅជួរមុខក្នុងវិស័យថាមពលស្អាត ថាមពលថ្មីនិងរថយន្តពាណិជ្ជកម្មដែលតភ្ជាប់ប្រព័ន្ធវៃឆ្លាត ដោយមានបច្ចេកទេសទទួលបានប៉ាតង់ជាង ២២០ ។ ក្រុមហ៊ុននេះបានសម្រេចការស្តារផលិតកម្មឡើងវិញកាលពីថ្ងៃទី ១៤ ខែកុម្ភៈឆ្នាំ បច្ចុប្បន្នផលិតកម្មបានស្តារឡើងវិញដោយគ្រប់ជ្រុងជ្រោយហើយ ។
