កាលពីថ្ងៃទី២៤ខែមីនា លោកត្រាំ ប្រធានាធិបតីសហរដ្ឋអាមេរិកបានថ្លែងនៅពេលទទួលសម្ភាសន៍ពីស្ថានីយទូរទស្សន៍ព័ត៌មាន Fox ថា លោកកំពុងគិតពិចារណាបន្ធូរបន្ថយវិធានការគ្រប់គ្រងជំងឺឆ្លង ដោយសង្ឃឹមថា សហរដ្ឋអាមេរិក អាចធូរស្រាលនៅ ពាក់ កណ្តាលខែមេសា ។ បន្ទាប់ពីលោកថ្លែងដូចនេះ ធ្វើឱ្យមជ្ឈដ្ឋាននានារបស់សហរដ្ឋអាមេរិកប្រឆាំងយ៉ាងខ្លាំង។
លោកស្រី Nancy Pelosi ប្រធានសភាអាមេរិកបានថ្លែងថា លោកត្រាំគួរតែស្តាប់សំណើរបស់អ្នកវិទ្យាសាស្ត្រ ។ អ្នកវិភាគនៃក្រុមហ៊ុន Morgan Stanley បានព្រមានថា ប្រសិនបើសេតវិមានបន្ធូរបន្ថយវិធានការមុនពេលកំណត់ នោះប្រហែលនឹងបណ្តាលឱ្យអ្នកឆ្លងជំងឺកើនឡើងយ៉ាងខ្លាំង ។
គិតត្រឹមថ្ងៃទី២៤ខែមីនា រដ្ឋចំនួន១៣នៃសហរដ្ឋអាមេរិក បានដាក់ចេញបទបញ្ជា ដោយតម្រូវឱ្យនៅផ្ទះ។ បន្ទាប់មក យ៉ាងហោចណាស់ នឹងមានរដ្ឋចំនួន៥ទៀតដាក់ចេញនូវតម្រូវឱ្យប្រជាជននៅផ្ទះ ដែលនឹងប៉ះពាល់ដល់ជនជាតិអាមេរិកចំនួន១៧០លាននាក់ គឺច្រើនជាងពាក់កណ្តាលនៃប្រជាជនអាមេរិកទាំងអស់៕