លោក Anthony Fauci នាយកនៃវិទ្យាស្ថានជាតិសម្រាប់សិក្សាស្រាវជ្រាវជំងឺអាឡែរហ្សីនិងជំងឺឆ្លងនៃអាមេរិកនិងជាអ្នកជំនាញការទទួលបន្ទុកផ្តល់សំណើផ្នែកវិទ្យាសាស្ត្រដល់សេតវិមានបានថែ្លងអំឡុងពេលទទួលបទសម្ភាសន៍ជាមួយទស្សនាវដ្តី<វិទ្យាសាស្ត្រ>នៃអាមេរិកនាពេលកន្លងទៅនេះថា លោកមិនយល់ស្របនឹងទង្វើរបស់លោកត្រាំដែលប្តូរឈ្មោះមេរោគកូវីដ-១៩ ថាជា"មេរោគរបស់ចិន"នោះទេ។លោក Anthony Fauci បន្តថែ្លងថា លោកនឹងមិននិយាយបែបនោះទេ ហើយមិននិយាយបែបនោះជារៀងរហូតឡើយ។
លោក Anthony Fauci បានថែ្លងថា ការបញ្ចេញមតិរបស់លោកត្រាំអាចនាំឱ្យមានការយល់ច្រឡំអំពីអង្គហេតុ។បន្ទាប់ពីលោកត្រាំបានប្រើពាក្យសម្តីថា"ប្រទេសចិនគួរតែប្រាប់ពីស្ថានភាពនៃការរីករាលដាលនៃជំងឺកូវីដ-១៩ ជូនសហរដ្ឋអាមេរិកក្នុងរយៈពេល ៣-៤ ខែមុន" លោក Anthony Fauci ក៏បានជម្រាបទៅកាន់មន្ត្រីពាក់ព័ន្ធថា ពាក្យសម្តីនេះមិនសមស្របនឹងអង្គហេតុនោះទេ។លោកសម្កាល់ថា មន្ត្រីពាក់ព័ន្ធទាំងនេះគួរតែប្រាប់លោកត្រាំឱ្យប្រយ័ត្នប្រយែងក្នុងការនិយាយនិងមិនត្រូវនិយាយដូច្នោះទៀតឡើយ៕