ពេលថ្មីៗនេះ លោក Tim Cook នាយកប្រតិបត្តិក្រុមហ៊ុនApple បានចេញសេចក្តីថ្លែងការណ៍ថា ទន្ទឹមនឹងការីករាលដាលនៃជំងឺCovid-19នៅប្រទេសចិនទទួលបានការគ្រប់គ្រង ហាងលក់ផលិតផលរបស់ក្រុមហ៊ុនApple នៅប្រទេសចិនទាំងអស់ក៏បានបើកទ្វារធ្វើអាជីវកម្មឡើងវិញ ។
ការផលិតទូរស័ព្ទដៃម៉ាកiphone ភាគច្រើនគឺផ្អែកទៅលើរោងចក្រចិន ហេតុដូច្នេះ ការបើកទ្វារលក់ដូរឡើងវិញនៅប្រទេសចិន ជាសញ្ញាដែលបានបង្ហាញថា ខ្សែសង្វាក់ផ្គត់ផ្គង់របស់ក្រុមហ៊ុននេះក៏កំពុងស្តារឡើងវិញដែរ ។ វាជានិមិត្តសញ្ញាមួយនៃការពន្លឿនការស្តារឡើងវិញនៃសេដ្ឋកិច្ចចិន ។
តាមស្ថិតិរបស់រដ្ឋបាលជាតិស្ថិតិចិនបានបង្ហាញថា ពីខែមករាដល់ខែកុម្ភៈឆ្នាំ ២០២០ សេដ្ឋកិច្ចចិនមិនបានធ្លាក់ចុះខ្លាំងដោយសាររងឥទ្ធិពលពីជំងឺCovid-19 នោះទេពោលគឺនិន្នាការនៃកំណើនសេដ្ឋកិច្ចក្នុងរយៈពេលយូរគឺមិនកែប្រែនោះទេ ។
ក៏ប៉ុន្តែ នៅក្រៅដែនចិន ជំងឺឆ្លងបានរីករាលដាលយ៉ាងលឿន ដែលវាបាននាំមកនូវហានិភ័យសម្រាប់សេដ្ឋកិច្ចចិន ។
មធ្យោបាយគង់តែមានច្រើនជាងឧបសគ្គ ។ នៅដំណាក់កាលក្រោយ ប្រទេសចិននឹងបន្តរឹងបន្តឹងការងារបង្ការនិងគ្រប់គ្រងជំងឺឆ្លង ក៏ដូជាធ្វើកិច្ចសហប្រតិបត្តិការអន្តរជាតិយ៉ាងសកម្មក្នុងការបង្ការនិងគ្រប់គ្រងជំងឺឆ្លង ។ ស្របពេលជាមួយគ្នានេះ ប្រទេសចិននឹងសកម្មប្រើប្រាស់ឧត្តមភាពនៃទីផ្សារដ៏ធំធេង ដើម្បីពង្រីកតម្រូវការនៃការប្រើប្រាស់និងការវិនិយោគទុន បង្កើនកម្លាំងកែទម្រង់និងបើកចំហ ក៏ដូចជាអភិវឌ្ឍយ៉ាងសកម្មនូវទុនបរទេសនិងពាណិជ្ជកម្មជាមួយបរទេសផងដែរ ៕