លោក Mike Pompeo រដ្ឋមន្ត្រីការបទេសអាមេរិក បានថ្កោលទោសចំពោះប្រទេសចិនដោយគ្មានហេតុផលជាថ្មីម្តងទៀត កាលពីពេលថ្មីៗនេះ ។ ជាការឆ្លើយតប លោកZhaoLijian អ្នកនាំពាក្យក្រសួងការបរទេសចិន បានថ្លែងនៅក្រុងប៉េកាំងកាលពីថ្ងៃទី ២៦ ខែកុម្ភៈថា ប្រទេសចិនមិនពេញចិត្តយ៉ាងខ្លាំងនិងប្រឆាំងជាដាច់ខាតចំពោះទង្វើនេះ ។ ភាគីចិនសូមដាស់តឿន ដល់លោកMike Pompeo ឱ្យបញ្ឈប់ទង្វើអាក្រក់ ដែលញុះញង់ចង់បំផ្លាញទំនាក់ទំនងរវាងបក្ស រដ្ឋាភិបាលចិននិងប្រជាជនចិន ។
លោកZhao Lijian បានថ្លែងថា ពាក្យសម្តីរបស់លោកMike Pompeo គឺមិនបែងចែកត្រូវនិងខុសទាំងស្រុង ។ រដ្ឋាភិបាលចិនបានប្រកាន់ខ្ជាប់ជានិច្ច នូវអកប្បកិរិយាបើកទូលាយ និងទទួលខុសត្រូវខ្ពស់ ប្រកបដោយតម្លាភាព ក្នុងការងារបង្ការនិងគ្រប់គ្រងជំងឺCOVID-19 ។ កាសែត«The Wall Street Journal» អាមេរិក បានចុះផ្សាយអត្ថបទមួយក្រោមចំណងជើង ប្រកបដោយការមួលបង្កាច់មកលើប្រទេសចិន ដែលផ្ទុយពីសិទ្ធិសេរីភាពក្នុងការបញ្ចេញមតិ និងព័ត៌មានទាំងស្រុង ។ គ្រប់បុគ្គលទាំងអស់ ដែលមានសតិសម្បជញ្ញៈនិងខ្សែបន្ទាត់កំណត់ ត្រូវប្រឆាំងទប់ទល់នឹងទង្វើនិងពាក្យសម្តីខុសឆ្គង ប្រកាន់ជាតិសាសន៍បែបនេះ៕
