ចាប់តាំងពីថ្ងៃទី៤ខែកុម្ភៈមក មន្ទីរពេទ្យ HuoShenShan នៃក្រុងវូហាន បានទទួលព្យាបាលអ្នកជំងឺរលាកសួតបង្កដោយវីរុសកូរ៉ូណាប្រភេទថ្មីចំនួន១០០០នាក់ ។ កាលពីរសៀលថ្ងៃទី១៣ខែកុម្ភៈ អ្នកជំងឺចំនួន៧នាក់ បានជាសះស្បើយនិងបានចេញពីមន្ទីរពេទ្យ ។
តាមរយៈការជួយសង្គ្រោះនិងព្យាបាលជំងឺ តាមបែបវិទ្យាសាស្ត្រនិងការថែទាំយ៉ាងល្អប្រសើរពីគ្រូពេទ្យនិងគិលានុបដ្ឋាយិកា បច្ចុប្បន្ននេះ គ្រប់សន្ទស្សន៍នៃសុខភាពរបស់អ្នកជំងឺទាំង៧នាក់នេះ សុទ្ធតែបានឈានដល់ស្តង់ដារជាសះស្បើយ ដែលអាចចេញពីមន្ទីរពេទ្យបាន ។
បច្ចុប្បន្ននេះ ចំនួនសរុបនៃអ្នកជំងឺដែលកំពុងព្យាបាលនៅមន្ទីរពេទ្យ HuoShenShan នៃក្រុងវូហាន បានឡើងដល់១០០០នាក់ ក្នុងនោះ អ្នកជំងឺធ្ងន់ធ្ងរ គឺស្ថិតក្នុងស្ថិរភាពជាមូលដ្ឋាន ហើយអ្នកជំងឺធ្ងន់ធ្ងរដែលប្រឈមដល់បាត់បង់អាយុជីវិត មួយចំនួន កំពុងមានភាពប្រសើរឡើង ៕
