កាលពីថ្ងៃទី ១៣ ខែកុម្ភៈតាមម៉ោងតំបន់ លោកសាស្ត្រាចារRobert Steffen អ្នកជំនាញការផ្នែកវេជ្ជសាស្ត្រស្តីពីជំងឺរាតត្បាតនិងបង្ការជំងឺឆ្លង នៃអង្គការសុខភាពពិភពលោក បានថ្លែងនៅពេលផ្តល់បទសម្ភាសន៍ជាមួយអ្នកសារព័ត៌មានថា លោកមានសុទិដ្ឋិនិយមចំពោះកិច្ចខិតខំប្រឹងប្រែងយ៉ាងពេញទំហឹងរបស់ប្រទេសចិន ក្នុងការបង្ការនិងគ្រប់គ្រងជំងឺCovid-19។ ទន្ទឹមនឹងនេះ លោកក៏បានចង្អុលបង្ហាញថា ទោះបីប្រជាជនមិនបាច់ភ័យខ្លាចក៍ដោយ ក៏ត្រូវតែប្រុងប្រយ័ត្ន ដោយធ្វើការការពារប្រចាំថ្ងៃផងដែរ ។
លោកសាស្ត្រាចារ្យបានថ្លែងទៀតថា បើមើលពីសភាពការណ៍ថ្មីបំផុតនៃជំងឺCovid-19ឃើញថា ចំនួនមនុស្សដែលឆ្លងជំងឺនេះ បានថយចុះខ្លះ ។ ទោះបីនៅតែមានកត្តា មិនច្បាស់លាស់នាពេលអនាគត ប៉ុន្តែគឺមានសុទិដ្ឋិនិយមជាទូទៅ ។
លោកសាស្ត្រាចារ្យបានថ្លែងឱ្យដឹងទៀតថា ប្រឈមនឹងការរាតត្បាតនៃជំងឺCovid-19លើកនេះ ប្រទេសចិន អង្គការសុខភាពពិភពលោក និងពិភពលោកទាំងមូល ប្រមូលបាននូវបទពិសោធន៍កាន់តែច្រើន និងបានត្រៀមកាន់តែពេញលេញ ។ នេះក៏ជាអ្វីដែលលោកមានសុទិដ្ឋិនិយមដែរ៕
