កាលពីថ្ងៃទី ១២ ខែកុម្ភៈ លោក ស៊ី ជីនភីង ប្រធានរដ្ឋចិន បានធ្វើជាអធិបតីក្នុងកិច្ចប្រជុំការងារគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន ដើម្បីចាត់ចែងរៀបចំការងារ ស្តីពី ការបង្កា គ្រប់គ្រងនៃជំងឺឆ្លង និងការអភិវឌ្ឍសេដ្ឋកិច្ច និងសង្គម របស់ប្រទេសចិន។ ក្នុងរយៈពេល ១៩ ថ្ងៃកន្លងមកនេះ
អ្នកធ្វើសេចក្តីសម្រេចចិត្តកំពូលរបស់ប្រទេសចិន បានបើកកិច្ចប្រជុំចំនួន៣ លើកជាបន្ទាប់ ដែលបានបង្ហាញសញ្ញាសំខាន់ៗចំនួន ២ ពោលគឺ ៖ ទីមួយ ស្ថានភាពនៃ ជំងឺឆ្លង មានភាពប្រែប្រួលជាវិជ្ជមាន ។ នេះបានបញ្ជាក់ថា វិធានការបង្កានិងគ្រប់គ្រងការរីករាលដាលនៃជំងឺ ដែលប្រទេសចិន បានអនុវត្តកន្លងមកនេះ គឺចំគោលដៅយ៉ាងល្អនិងត្រឹមត្រូវ។ ទីពីរ ប្រទេសចិន នឹងសម្របសម្រួលឱ្យបានល្អ ទាំងការងារស្តីពីការបង្កានិងគ្រប់គ្រងជំងឺ ជាមួយនឹងការអភិវឌ្ឍសេដ្ឋកិច្ចនិងសង្គមរបស់ខ្លួន ដើម្បីខិតខំកាត់បន្ថយឥទ្ធិពល ដែលបណ្តាលមកពីជំងឺឆ្លង ឱ្យដល់កម្រិតអប្បបរមា ដើម្បីសម្រេចឱ្យបាននូវគោលដៅអភវិឌ្ឍន៍ គ្រប់វិស័យឆ្នាំ២០២០នេះរបស់ខ្លួន។
ប្រទេសចិន នឹងសម្រេចការកសាងសង្គមដែលប្រជាជនមានជីវភាពរស់នៅធូរធារបង្គួរ គ្រប់ជ្រុងជ្រោយក្នុងឆ្នាំនេះ ។ទោះបីជួប នឹងបញ្ហាលំបាកនៃការផ្ទុះជំងឺឆ្លងក៏ដោយ ក៍ ប្រជាជនចិន មិនភ័យខ្លាច បញ្ហានិងការលំបាកវេទនាឡើយ។ បន្ថែមពីនេះទៀត ប្រជាជនចិន នឹងយកឈ្នះទាំងស្រុងក្នុងការទប់ស្កាត់ជំងឺឆ្លង ហើយចិននឹងខិតខំសម្រេចបាននូវគោលដៅអភិវឌ្ឍន៍របស់ខ្លួន តាមការកំណត់៕