កាលពីថ្ងៃទី១០ខែកុម្ភៈអំឡុងចុះត្រួតពិនិត្យ និងណែនាំការងារបង្ការនិងគ្រប់គ្រងជំងឺរលាកសួតបង្កដោយវីរុសកូរ៉ូណាប្រភេទថ្មី នៅក្រុងប៉េកាំង
លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធាននៃគណៈកម្មាធិការយោធាមជ្ឈិមចិនបានគូសបញ្ជាក់ថា ពេលបច្ចុប្បន្ននេះ សភាពការណ៍នៃជំងឺរលាកសួតប្រភេទថ្មី នៅតែមានភាពតានតឹងដដែល តម្រូវឱ្យគ្រប់រដ្ឋបាលនិងគ្រប់គណៈកម្មាធិការបក្សកុម្មុយនិស្តចិន ត្រូវតែអនុវត្តតាមសេចក្តីសម្រេចចិត្តនិងការចាត់ចែងនៃគណៈកម្មាធិការមជ្ឈិមបក្សកុម្មុយនិស្តចិន ស្តីពីការបង្ការនិងគ្រប់គ្រងជំងឺរលាកសួតប្រភេទថ្មីយ៉ាងដាច់ខាត ។ ធ្វើការទប់ស្កាត់នូវការរាតត្បាតនៃជំងឺរលាកសួតប្រភេទថ្មីយ៉ាងដាច់ខាត និងយកជ័យជម្នះលើការប្រយុទ្ធប្រឆាំងនឹងការបង្ការនិងគ្រប់គ្រងជំងឺរលាកសួតប្រភេទថ្មីជាដាច់ខាត។
លោកស៊ីជីនភីងបានចង្អុលបង្ហាញថា ខេត្តHuBeiនិងទីក្រុងWuHanជាតំបន់សំខាន់បំផុតក្នុងការបង្ការនិងគ្រប់គ្រងជំងឺរលាកសួតប្រភេទថ្មី ព្រមទាំងជាកន្លែងគន្លឹះ ដើម្បីយកជ័យជម្នះលើការប្រយុទ្ធប្រឆាំងបង្ការនិងគ្រប់គ្រងជំងឺរលាកសួតប្រភេទថ្មីនេះ។
បើយកជ័យជម្នះនៅក្រុងWuHan បាន នោះខេត្តHuBei ក៍អាចយកជ័យជម្នះបានដែរ ហើយប្រទេសជាតិទាំងមូល ក៍អាចទទួលជ័យជម្នះទាំងស្រុងផងដែរ។ពេលបច្ចុប្បន្ននេះ សភាពការណ៍នៃជំងឺរលាកសួតប្រភេទថ្មី នៅតែមានភាពតានតឹងដដែល ត្រូវតែចាត់វិធានការកាន់តែខ្លាំង ដោយមិនស្ទាក់ស្ទើរ ដើម្បីទប់ស្កាត់នូវការរាតត្បាតនៃជំងឺរលាកសួតប្រភេទថ្មីយ៉ាងដាច់ខាត ។ បំផុសឱ្យប្រជាជនចូលរួមនិងពឹងផ្អែកលើប្រជាជន ដើម្បីយកជ័យជម្នះលើការប្រយុទ្ធប្រឆាំងនឹងការបង្ការនិងគ្រប់គ្រងជំងឺរលាកសួតប្រភេទថ្មីជាដាច់ខាត៕
