ខុទ្ទកាល័យនៃក្រុមប្រឹក្សាកិច្ចការរដ្ឋចិនបានចេញសេចក្តីជូនដំណឹងបន្ទាន់មួយកាលពីពេលកន្លងទៅនេះ ដោយបញ្ជាឱ្យរដ្ឋបាលគ្រប់ខេត្តនិងតំបន់យកចិត្តទុកដាក់បំពេញភារកិច្ច ចាត់ចែងឱ្យបណ្តាសហគ្រាសក្នុងតំបន់ផលិតនូវសម្ភារៈដើម្បីបង្ការនិងទប់ស្កាត់ការរីករាលដាលនៃជំងឺរលាកសួតបង្កដោយរីរុសកូរ៉ូណាថ្មី ពោលគឺចាប់ផ្តើមធ្វើការឡើងវិញភ្លាម ដើម្បីផលិតសម្លៀកបំពាក់ការពារផ្នែកវេជ្ជសាស្ត្រ ម៉ាសគំរូ N95 វ៉ែនតាកាពារផ្នែកវេជ្ជសាស្ត្រ ឱសថមានពាក់ព័ន្ធជាដើម។ អ្នកការសែតទទួលបានដំណឹងពីសហគ្រាសជាច្រើនថា បច្ចុប្បន្ននេះ បណ្តាសហគ្រាសមានពាក់ព័ន្ធកំពុងពុះពារលំបាក ខិតខំធ្វើការផលិត ដើម្បីធានាជាក់លាក់ដល់ការផ្គត់ផ្គង់សម្ភារៈសំខាន់ៗក្នុងការបង្ការនិងទប់ស្កាត់ការរីករាលដាលនៃជំងឺ។
អ្នកនាំពាក្យក្រសួងឧស្សាហកម្មនិងព័ត៌មានវិទ្យាចិនបានថ្លែងថា នៅចំពោះមុខឧបសគ្គ អ្នកទាំងអស់គួរប្រមូលគ្នាជាថ្លងមួយ ពិបាកវេទនាយ៉ាងណាក្តី ក៏ត្រូវផ្តល់សម្ភារៈបង្ការការពារដល់បណ្តាក្រុមអ្នកវេជ្ជសាស្ត្រ។ យើងត្រូវសហការគ្នា ដើម្បីធានារ៉ាប់រងនូវការផ្គត់ផ្គង់បរិក្ខានិងសម្ភារៈផ្នែកវេជ្ជសាស្ត្រសម្រាប់តំបន់សំខាន់ៗ៕
