ថ្ងៃទី ២៨ ខែមករា លោក ស៊ី ជីនភីង ប្រធានរដ្ឋចិនបានជួបពិភាក្សាជាមួយលោក Tedros អគ្គនាយកអង្គការសុខភាពពិភពលោកនៅក្រុងប៉េកាំង ។
ថ្លែងក្នុងកិច្ចជំនួប លោក ស៊ី ជីនភីង បានគូសបញ្ជាក់ថា ប្រទេសចិនមានជំនឿចិត្តនិងមានសមត្ថភាពគ្រប់គ្រាន់ក្នុងការយកជ័យជម្នះលើសង្គ្រាមប្រយុទ្ធប្រឆាំងនឹងសភាពជំងឺ ។ ព្រមជាមួយគ្នានេះ លោកបានលើកឡើងថា ប្រទេសចិនបានប្រកាសព័ត៌មានអំពីសភាពជំងឺទៅកាន់មជ្ឈដ្ឋានក្រៅជាប់ជានិច្ចដោយកាន់អាកប្បកិរិយាបើកចំហ មានតម្លាភាពនិងមានទំនួសខុសត្រូវ រីករាយរួមសហការជាមួយអង្គការសុខភាពពិភពលោកនិងសហគមន៍អន្តរជាតិ រួមគ្នាគាំពារឱ្យបានល្អនូវសន្តិសុខសុខាភិបាលសាធារណៈក្នុងតំបន់ក៏ដូចជាពិភពលោកទាំងមូលផងដែរ ។
ជាការឆ្លើយតប លោក Tedros បានថ្លែងថា អង្គការសុខភាពពិភពលោកនឹងគាំទ្រយ៉ាងមុតមាំចំពោះវិធានការរបស់ប្រទេសចិនសម្រាប់ទប់ទល់នឹងសភាពជំងឺ រីករាយបង្កើនការប្រាស្រ័យទាក់ទងនិងកិច្ចសហប្រតិបតិ្តការជាមួយប្រទេសចិន និងផ្តល់ជំនួយដ៏ចាំបាច់ទាំងអស់ ។ ដោយឡែក អង្គការសុខភាពពិភពលោកសូមកោតសរសើរខ្ពស់ចំពោះប្រទេសចិនដែលបានដើរតួនាទីដ៏សំខាន់និងបានរួមវិភាគទានសំខាន់ក្នុងបុព្វហេតុសុខាភិបាលពិភពលោកទាំងមូល ហើយរីករាយបន្តធ្វើកិច្ចសហប្រតិបតិ្តការជាយុទ្ធសាស្ត្រជាមួយប្រទេសចិនជាបន្តទៀត ៕
