ថ្ងៃទី ២៦ ខែមករា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានរៀបចំធ្វើសន្និសីទសារព័ត៌មាន ដើម្បីឧទ្ទេសនាមពីស្ថានភាពពាក់ព័ន្ធនៃការងារបង្ការនិងគ្រប់គ្រងជំងឺរលាកសួតបង្កឡើងដោយវីរុសកូរ៉ូណាប្រភេទថ្មី ។ សន្និសីទនេះបានសម្រេចចិត្តថា
មជ្ឈិមចិនបង្កើតក្រុមដឹកនាំការងារទប់ទល់នឹងជំងឺឆ្លង បានចាត់បញ្ចូនក្រុមណែនាំការងារទៅកាន់តំបន់ដែលមានអាការរោគធ្ងន់ធ្ងរ ដូចជាខេត្តហ៊ូប៉ៃជាដើម ។
បច្ចុបន្បន្ន ការបង្ការនិងគ្រប់គ្រងជំងឺឆ្លងកំពុងស្ថិតក្នុងដំណាក់កាលជាគន្លឹះ ។ ជនជាតិចិនបាននិងកំពុងឆ្លៀតពេលបុណ្យចូលឆ្នាំថ្មី ដែលជាពេលវេលាល្អជាងគេសម្រាប់ឱ្យនៅដោយឡែកពីគ្នា និងរំងាប់មេរោគ ដើម្បីបង្ការដោយពេញទំហឹងកុំឱ្យអាការរោគរីករាលដាល ។ប្រទេសចិនបាននិងកំពុងពង្រីកយ៉ាងពេញលេញនូវឧត្តមភាពនៃប្រព័ន្ធគ្រប់គ្រងនៃសង្គមនិយមប្រកបដោយលក្ខណៈពិសេសចិន ប្រើប្រាស់បទពិសោធន៍បង្ការនិងគ្រប់គ្រងព្រឹត្តិការណ៍សុខាភិបាលសាធារណៈសំខាន់ៗដែលបានសន្សំទុកក្នុងរយៈពេលជាច្រើនឆ្នាំកន្លងមក ដោយពឹងផ្អែកទៅលើប្រជាជនទូទាំងប្រទេសចិនដែលបានសាមគ្គីគ្នាជាធ្លុងមួយ ប្រទេសចិនប្រាកដជានឹងយកជ័យជម្នះលើសង្រ្គាមបង្ការនិងគ្រប់គ្រងជំងឺលើកនេះជាពុំខាន៕
