យប់ថ្ងៃទី ២២ ខែមករា តាមម៉ោងក្រុងប៉េកាំង អង្គកាសុខភាពពិភពលោកបានកោះធ្វើសនិ្នសីទតាមទូរស័ព្ទ នេះជាសន្និសីទលើកដំបូងនៃគណៈកម្មាធិការប្រកាសភាពអាសន្នស្តីពីជំងឺរលាកសួតបង្កឡើងដោយវីរុសកូរ៉ូណាថ្មី ។ ក្នុងសនិ្នសីទសារព័ត៌មានជាប្រចាំនៃក្រសួងការបរទេសចិនកាលពីថ្ងៃទី ២៣ ខែមករា ពេលឆ្លើយសំណួរពាក់ព័ន្ធ លោក Geng Shuang អ្នកនាំពាក្យក្រសួងការបរទេសចិនបានថ្លែងថា បច្ចុប្បន្ន គណៈកម្មាធិការប្រកាសភាពអាសន្នគ្រោងនឹងកោះធ្វើសនិ្នសីទលើកទីពីរ ប្រទេសចិននឹងបន្តជូនដំណឹងដោយទាន់ពេលវេលាអំពីសភាពជំងឺចំពោះអង្គការសុខភាពពិភពលោក ប្រទេសនិងតំបន់ពាក់ព័ន្ធ ហុងកុង ម៉ាកាវនិងតំបន់តៃវ៉ាន់ជាបន្តទៀត ដោយកាន់អាកប្បកិរិយាបើកចំហ និងមានតម្លាភាព ក៏ដូចជាមានទំនួលខុសត្រូវខ្ពស់ចំពោះសន្តិសុខសុខាភិបាលពិភពលោកទាំងមូលផងដែរ ។ ប្រទេសចិនក៏មានជំនឿចិត្តថា គណៈកម្មាធិកាប្រកាសភាពអាសន្ននៃអង្គការសុខភាពពិភពលោកអាចធ្វើការវិភាគនិងវិនិច្ឆ័យចំពោះសភាពជំងឺដោយវិទ្យាសាស្ត្រ យុត្តិធម៌និងសមហេតុផល ដោយអនុលោមតាមរយៈការពិតជាក់ស្តែង ៕