ក្នុងនាមជាសកម្មភាពកំពូលខាងវប្បធម៌ប្រចាំឆ្នាំរបស់ជនជាតិចិនលើពិភពលោកទាំងមូល រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ ២០២០ ដែលរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិននឹងត្រូវផលិតជាខ្សែភាពយន្តជាលើកដំបូងនិងចាក់បញ្ចាំងនៅរោងគុន ។ ថ្ងៃទី ២៣ ខែមករា សន្និសីទសារព័ត៌មានអំពីភាពយន្ត«រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ ២០២០ »បានបើកធ្វើនៅក្រុងប៉េកាំង ក្រោមវត្តមានរបស់លោកShen Haixiong អគ្គនាយកអគ្គស្ថានីយវិទ្យុនិងទូរទស្សន៍មជ្ឈិមចិន និងអ្នកទទួលខុសត្រូវពាក់ព័ន្ធនៃគណៈកម្មាធិការកិច្ចការជនជាតិរបស់ប្រទេសចិនជាដើម ។
សូមបញ្ជាក់ថា ភាពយន្ត«រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ ២០២០ » នឹងផលិតជាភាពយន្តជាគ្រាមភាសាចិន ៤ ភាសា ដូចជាភាសាចិនកន្តាំង ភាសាហុកគៀន ភាសាទិជាវ និងភាសាចិនខិ ព្រមនិងភាសាជនជាតិភាគតិច ៥ ភាសា ដូចជាភាសាមុងហ្គោលី ភាសាទីបេត៍ ភាសាវ៉ីវូអឺ ភាសាកាហ្សាក់ និងភាសាកូរ៉េ ដើម្បីសម្រេចការគ្របដណ្តប់គ្រប់តំបន់ គ្រប់ជនជាតិ គ្រប់វេទិកាផ្សព្វផ្សាយ និងទទួលបានប្រសិទ្ធភាពល្អជាងគេក្នុងការផ្សព្វផ្សាយ ។ ជាងនេះទៅទៀត នៅមានភាពយន្តជាភាសាបរទេសជាច្រើនភាសាទៀតក៏នឹងចាក់បញ្ចាំងនៅពេលដ៏សមរម្យផងដែរ ។
ទស្សនីយភាពនៃភាពយន្តមួយនេះគឺថតដោយបច្ចេកវិទ្យា4K ដែលវាកាន់តែសមស្របនឹងតម្រូវការរបស់ទស្សនិកជនពេលទស្សនាភាពយន្តនៅក្នុងរោងគុន ៕
