លោក Mike Penceអនុប្រធានាធិបតីសហរដ្ឋអាមេរិកដែលអញ្ជើញទៅបំពេញទស្សនកិច្ចនៅក្រុងហេ្សរុយសាឡឹមបានប្រកាសកាលពីថ្ងៃទី២៣ខែមករាថា សហរដ្ឋអាមេរិកគ្រោងនឹងប្រកាសកិច្ចព្រមព្រៀងសតវត្សរ៍ស្តីពីការជំរុញការដោះស្រាយបញ្ហារវាងប៉ាឡេស្ទីននិងអ៊ីស្រាអែលនៅក្រុងវ៉ាស៊ីតោនសហរដ្ឋអាមេរិកនៅសប្តាហ៍ក្រោយ។
កាលពីខែមេសាឆ្នាំ២០១៤ ដំណើរសន្តិភាពរវាងប៉ាឡេស្ទីននិងអ៊ីស្រាអែលត្រូវផ្អាកដោយសារភាគីទាំងពីរមានការខ្វែងគំនិតយ៉ាងខ្លាំងលើបញ្ហាដូចជាទីលំនៅជនជាតិជ្វីហ្វជាដើម ។ បន្ទាប់ពីលោកដូណាលត្រាំឡើងកាន់មុខតំណែងជាប្រធានាធិបតីនាឆ្នាំ២០១៧ ក៏ចាប់ផ្តើមដាក់ចេញអ្វីដែលហៅថាកិច្ចព្រមព្រៀងសតវត្សរ៍ ហើយរំពឹងថាអាចជំរុញភាគីទាំងពីរប៉ាឡេស្ទីននិងអ៊ីស្រាអែលឱ្យសម្រេចសន្តិភាពចុងក្រោយតាមរយៈកិច្ចព្រមព្រៀងនេះ៕
