ថ្ងៃទី ២៤ ខែមករា លោកស្រីHua Chunying អ្នកនាំពាក្យក្រសួងការបរទេសចិនបានឆ្លើយតបសំណួររបស់អ្នកសារព័ត៌មានអំពីរឿងដែលលោកភូទីនផ្តួចផ្តើមឱ្យបើកធ្វើសន្និសីទកំពូលរបស់ប្រទេសជាសមាជិកអចិន្រ្តៃយ៍ចំនួន ៥ នៃក្រុមប្រឹក្សាសន្តិសុខអង្គការសហប្រជាជាតិ ។
លោកស្រីHua Chunying បានថ្លែងថា បច្ចុប្បន្ន កត្តាអស្ថិរភាព និងភាពមិនប្រាកដប្រជាក្នុងស្ថានភាពអន្តរជាតិកាន់តែលេចធ្លោ បញ្ហាជាចំណុចក្តៅក្នុងតំបន់ក៏កាន់តែច្រើនឡើងៗ ពហុភាគីនិយមនិងតួនាទីរបស់អង្គការសហប្រជាជាតិបាននិងកំពុងប្រឈមនឹងបញ្ហាដែរ ។ ការដែលប្រទេសជាសមាជិកអចិន្រ្តៃយ៍នៃក្រុមប្រឹក្សាសន្តិសុខទាំង ៥ ធ្វើការប្រាស្រ័យទាក់ទងយ៉ាងស៊ីជម្រៅ និងពង្រឹងកិច្ចសហប្រតិបត្តិការអំពីស្ថានការណ៍អន្តរជាតិនិងបញ្ហាអន្តរជាតិសំខាន់ៗ គឺមានសារៈសំខាន់សម្រាប់គាំពារពហុភាគីនិយមនិងសណ្តាប់ធ្នាប់អន្តរជាតិក្រោយពីសង្រ្គាមលោកលើកទី ២ គាំពារកិត្យនុភាពរបស់អង្គការសហប្រជាជាតិនិងក្រុមប្រឹក្សាសន្តិសុខ ក៏ដូចជាគាំពារសន្តិភាពនិងស្ថិរភពាអន្តរជាតិនិងក្នុងតំបន់ផងដែរ ។ ប្រទេសចិនគាំទ្រចំពោះគំនិតផ្តួចផ្តើមរបស់រុស្ស៊ីស្តីអំពីការបើកធ្វើសន្និសីទកំពូលរបស់ប្រទេសជាសមាជិកអចិន្រ្តៃយ៍ចំនួន ៥ នៃក្រុមប្រឹក្សាសន្តិសុខអង្គការសហប្រជាជាតិ ហើយរីករាយធ្វើការប្រាស្រ័យទាក់ទងនិងកិច្ចសម្របសម្រួលអំពីរឿងនេះជាមួយប្រទេសរុស្ស៊ី ក៏ដូចជាប្រទេសជាសមាជិកអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិដទៃទៀតផងដែរ ៕