ទាក់ទិននឹងពាក្យសំដីបន្តុះបង្អាប់ស្តីពីកិច្ចសហប្រតិបត្តិការរវាងប្រទេសចិននិងប្រទេសអាមេរិកឡាទីនដែលចេញផ្សាយដោយលោកPompeoរដ្ឋមន្រ្តីក្រសួងការបរទេសអាមេរិក លោកGengshuangអ្នកនាំពាក្យក្រសួងការបរទេសចិនបានថ្លែងក្នុងសន្និសីទអ្នកសារព័ត៌មានជាប្រចាំដែលបើកធ្វើនៅក្រុងប៉េកាំងកាលពីថ្ងៃ២៣ខែមករាថា ក្នុងរយៈពេលជាយូរមកហើយប្រទេសចិននិងប្រទេសអាមេរិកឡាទីនព្រមនិងប្រទេសការ៉ាប៊ីនផ្តោតសំខាន់ទៅលើការអភិវឌ្ឍជាមួយគ្នាដែលបានជំរុញយ៉ាងខ្លាំងដល់ការអភិវឌ្ឍសេដ្ឋកិច្ចក្នុងតំបន់និងការកែលម្អជីវភាពរស់នៅរបស់ប្រជាជន ។ តើការធ្វើកិច្ចសហប្រតិបត្តិការជាមួយប្រទេសចិនមានភាពល្អឬក៏យ៉ាង ប្រទេសអាមេរិកឡាទីនមានការវិនិច្ឆ័យរបស់ខ្លួន។
តាមការផ្សាយដំណឹងបានឱ្យដឹងថា លោកPompeoរដ្ឋមន្រ្តីក្រសួងការបរទេសអាមេរិកបានថ្លែងក្នុងពេលបំពេញទស្សនាកិច្ចនៅប្រទេសហ្សាម៉ាអ៊ីកកាលពីថ្ងៃ២២មករាថា បណ្តាប្រទេសនានាគួរតែរក្សាការប្រុងប្រយ័តចំពោះការទទួលបានប្រាក់ទុនពីប្រទេសចិនដោយងាយស្រួល ពេលបំពេញទស្សនាកិច្ចនៅប្រទេសកូស្តារីកានៅថ្ងៃទី២២មករា លោកបានថ្លែងទៀតថា កិច្ចសន្យាខាងសេដ្ឋកិច្ចរបស់ប្រទេសចិនដែលគ្មានខ្លឹមសារជាក់ស្តែងនោះ តែងតែធ្វើឱ្យប្រទេសទទួលប្រាក់កម្ចីកើតមានការពឹងផ្អែកខាងបំណុល ព្រមទាំងរំលោភបំពានដល់អធិបតេយ្យភាពរបស់ប្រទេសនោះផងដែរ៕