ពេលថ្មីៗកន្លងទៅនេះ សាលាភូមិភាគស្វយ័តវ៉ីវូអឺស៊ីនជាំងប្រទេសចិនបានបើកធ្វើសន្និសីទសារព័ត៌មាន ។ ថ្លែងក្នុងសន្និសីទសារព័ត៌មានលើកនេះ លោកYilijiang Anayiti ការិយាល័យព័ត៌មាននៃអ្នកនាំពាក្យសាលាប្រជាជនភូមិភាគស្វយ័តវ៉ីវូអឺស៊ីនជាំងបានលើកឡើងថា ជ្រុលនិយមផ្នែកសាសនាជាមូលហេតុដែលបណ្តាលឱ្យកើតមានសកម្មភាពអំពើហិង្សានៅខេត្តស៊ីនជាំងជាញឹកញយ។
លោកYilijiang Anayiti បានថ្លែងទៀតថា ក្នុងមួយរយៈពេលកន្លងមក កម្លាំងជ្រុលនិយមផ្នែកសាសនាបានលួងលោមយយុវជននិងក្មេងជំទង់ដ៏តិចតួចឱ្យប្រព្រឹត្តិបទល្មើស។ ដើម្បីការពារយុវជននិងក្មេងជំទង់តាមច្បាប់ កុំឱ្យពួកគេរងការប៉ះពាល់ពីជ្រុលនិយមផ្នែកសាសនា អាជ្ញាធរក្នុងតំបន់បានបង្កើនការអប់រំខាងអតិអារម្មណ៍នៅគ្រប់សាលារៀន លើកកម្ពស់មនសិការៈខាងច្បាប់របស់សិស្សនិងនិស្សិត ណែនាំសិស្សនិងនិស្សិតឃ្លាតឆ្ងាយពីជ្រុលនិយម និងអាចធំធាត់ឡើងដោយរឹងមាំនិងល្អប្រសើរ ៕
