នៅរសៀលថ្ងៃទី ២០ ខែមករា ឆ្នាំ ២០២០ លោកស៊ី ជីនភីង អគ្គលេខាធិការគណៈកម្មាធិការមជ្ឈិមបក្សកុម្មុយនិស្តចិនដែលកំពុងចុះត្រួតពិនិត្យការងារនៅខេត្តយូណាន ប្រទេសចិនបានអញ្ជើញទៅដល់មជ្ឈមណ្ឌលពិព័រណ៍អន្តរជាតិក្រុងគុនមីង ដើម្បីចុះត្រួតពិនិត្យស្ថានភាពលក់ទំនិញសម្រាប់បុណ្យចូលឆ្នាំថ្មីប្រពៃណីចិន ព្រមនិងប្រសិទ្ធពរឆ្នាំថ្មីចំពោះប្រជាជនទូទាំងប្រទេសចិន ។
លោកស៊ី ជីនភីងបានថ្លែងថា ខណៈពេលបុណ្យចូលឆ្នាំថ្មីប្រពៃណីចិនឆ្នាំជូតជិតមកដល់ ខ្ញុំសូមជូនពរឆ្នាំថ្មីចំពោះប្រជាជនទូទាំងប្រទេសចិន ក៏ដូចជាជនរួមជាតិហុងកុងនិងម៉ាកាវ ជនរួមជាតិតៃវ៉ាន់ និងជនរួមជាតិនៅឯនាយសមុទ្រ ! ជូនពរប្រទេសជាតិយើងមានភាពរុងរឿងថ្កុំថ្កើង និងស្ថិរភាព ! ជូនពរអ្នកទាំងអស់គ្នាមានភាពសុខសាន្តត្រាណ សម្រេចអ្វីៗបានដូចក្តីបំណង និងមានក្តីសប្បាយរីករាយក្នុងឆ្នាំថ្មី !
